放假後嘅第一日番工

今日係我放左三日假後嘅第一日番工, 正常嘅人都會問候一下我點, 但係嗰個朋友+同事, 就一句都冇問, 好似當冇事發生過咁!

有時我真係好想問下佢, 乜朋友係唔會互相關心嘅咩, 定係你一直冇當過我係朋友呀? 佢之前話佢亞媽病左, 佢都冇問一句, 因為佢話咁樣問, 做人好似好假咁, 咁我又好想問下佢, 如果你病左, 咁你想唔想人關心下你先?! 如果人地問候你, 咁你又覺得人好假?

有時我係到諗, 如果我地真係咁好朋友, 係唔係直接 d 講佢咁想係唔啱? 因為人與人之間, 應該互相關懷同了解!  但係明知佢個人樣樣嘢都死撐,包頂頸, 同佢講都晒氣, 咁講嚟又有咩用先!

所以既然佢係咁對我, 我亦都係咁對佢, 因此我地而家就越嚟越小嘢講, 甚至乎除左工事外, 一句閑計都冇嘢講!