上個星期, 真係終於都頂唔順同我嘅朋友+同事講, 問佢呢排叫親佢做乜, 一係就做錯, 一係就唔記得! 因為佢成日心不在焉, 好似冇帶個心番工咁! 同佢講, 佢話佢好多嘢煩, 好唔開心, 如果有嘢叫佢做, 就唔好同佢講, send e-mail 比佢(真吹脹)! 咁我就話佢, 唔可以因為私人事, 就攪到做嘢做到亂晒, 任何老闆都唔可能理你或接受你有私人事而影響工作, 更何況係客! 所以我叫佢要學習下"公私分明", 因為你第日係另外一間公司做嘢, 唔通你同你上司講, 話你心情唔好, 叫佢唔好口頭分付你做嘢, 有嘢要做就 send e-mail 呀!
好啦, 同佢傾左一陣, 原來佢係煩佢男朋友之前個死鬼老婆嗰邊 d 親戚 d 嘢, 成日係到攪攪震. 唔知係唔係同佢傾完之後, 佢個人冇咁唔開心, 冇咁煩, 咁居然佢今個星期煮飯, d 餸居然冇晒 d 肥豬肉喎, 仲要係有小小肥佢都切埋出嚟, 你話係唔係好出奇呢! 其實原來佢之前跟本就知道我唔食肥肉架, 但係點解佢而家先就我, 就真係一個迷喇!
沒有留言:
張貼留言