姐姐話, 個個小朋友都畫得好靚, 唯獨只有滕滕係畫到隻雀係咁肥, 其他呢就畫到好瘦好靚!
我問滕滕仲咩會鐘意肥雀, 佢居然同我講因為隻雀有左BB, 仲要有3個BB係裏面!
姐姐話, 畫班個老師叫佢唔好畫到咁肥, 但係滕滕堅持要, 原因係因為隻雀個肚有BB先會咁肥!
今日去畫完畫, 個畫班老師就叫佢同另外一個小朋友兩個留抵唔好走住, 要佢地一人畫多一幅畫! 老師冇講用意, 不過我覺得個老師可能想睇下邊個畫畫有天份D......
左手邊隻肥蛙就係滕滕畫嘅, 我問佢點解畫到咁大隻呢?! 佢又係答我, 因為青蛙有左BB!
個腦成日都想有BB! 星期日仲同我講: 我第日大個會好錫你架, 我會生好多個BB比你, 唔會好似爸B咁衰唔肯比BB你!
你老公真係堅持, 睇個仔咁想要, 老婆又肯生。好多男人都會生多個。
回覆刪除滔滔早排又叫我生, 我答佢, 我只可以生一個滔滔。佢講左一句 "乜你咁渣豆 ga~" 我話係呀, 媽咪渣豆 law 。之後就再無提過。佢可能唔想我難過, 所以無再提。(又可能我太神化我個仔既諗法) ^^
我老公, 佢咁大個人都仲成個細佬咁, 佢唔想生, 就係因為佢唔想冇晒自己時間!
刪除