我scan 左d字卡, 跟住放左落去個電話到, 係比滕滕有時係街到冇嘢好做可以睇下d字, 認下d字, 因為我唔想佢成日攞我電話只係要嚟揸車!
星期一至五, 我唔比滕滕玩我電話, 只係有時星期六日放假玩一陣, 因為我都唔想佢攪到日又玩夜又玩!
堂家姐個仔細滕滕半歲, 都係讀緊K2, 其實上一次整D字卡, 我都有諗過比唔比佢, 因為我知道我堂家姐未必會要, 今次第二次整, 好多朋友都拍晒手掌咁thank you 我, 而我又再一次爭扎, 究竟問唔問我堂家姐要唔要呢? 結果, 真係我自己攞嚟衰!
我一問我堂家姐, 佢就問我d字卡係咩size, 係唔係彩色硬卡?!......點解, 人地比嘢你, 仲可以要求咁多問咁多嘢嘅??? 呢個, 就係我堂家姐個性格, 亦都係我卻步去比佢嘅原因!
我堂家姐答我, 佢唔想個仔成日想攞住個電話嚟睇喎, 即係佢唔想個仔養成一個鐘意睇/玩電話嘅壞習慣!
睇見堂家姐想個仔食多d飯, 就用個電話開套忍者小靈精比佢嚟送飯, 淨係呢個point, 我就已經同佢講你講嘢跟本就前言不對後語囉! 比小朋友去用個電話, 係我地大人去control, 我覺得我地適當咁去處理, 我完全唔覺得會有d咩問題, 更何況, 係睇字卡認字, 並唔係比佢不停咁用手機玩遊戲!
我同堂家姐教仔方法真係100% 唔同! 我唔會好似佢咁, 明明老師話做功課係隔行做, 而佢就迫佢個仔要行行做, 佢話唔想個仔變番做隔行做, 係因為唔想個仔知道原來佢地係錯左, 等個仔以後唔信佢地, 唔聽佢地講喎! 其實, 我真係覺得好好笑, 唔通個仔番到學校睇唔到其他同學係隔行做喇咩??? 又估下個仔知唔知真係可以隔行做吖嗱??? 為左唔想衰比個仔睇, 唔想比個仔串佢地原來真係可以隔行做, 所以佢地就堅持, 咁唔怪得為左做功課, 一個星期有幾小吵, 一個月有一大吵啦~
仲有, 佢為左個仔唔想miss 番學嘅堂數, 佢同我講如果個仔傷風感冒, 佢係唔會唔請假番學架! 呢個moment, 我先知, 唔怪得佢個仔一病就病好耐, 要好耐好耐先好番! 口罩又唔要個仔帶, 就算兩公婆唔舒服都一樣係唔帶口罩, 咁真係想好番都幾難~~~
堂家姐問我佢似唔似怪獸家長喎, 我第一時間答佢一定係潻呀!!!
咩標準黎GA, 睇卡通得, 睇字卡唔得?!
回覆刪除嘩..... 唔隔行做果單野, 勁低能WOR! 錯左就要認, 如果教到個仔一尾唔衰得, 接受唔到失敗, 佢就真係害左個仔 LAW。
有病仲返學, 又唔戴口罩, 真係好無品 WOR!
我都唔明佢係咩標準喎! 佢D標準同我完全唔同, 所以呢方面我地絕對唔同CHANNEL~~~
刪除佢地兩公婆, 錯又唔認, 所以我覺得佢個仔似足佢地!!! 佢話如果佢地番番轉頭話可以隔行做, 個仔實會串佢: 我都話可以隔行做架啦! 佢地為左唔想比個仔串, 所以就死都唔認摷! 我有問佢架, 你估下個仔番到學校睇唔睇到其他同學D功課吖嗱! 之所以佢個仔做襯功課都玩嘢, 咪就係咁囉! 為左做功課就成日同個仔嘈, 為乜!!!
佢個仔成日病又要迫佢番學, 唔怪得個幾月都唔好番! 我同佢講, 我都冇眼睇佢!!!
幼稚園D課程有幾緊要呀! 考大學咩~ 梗係身體要緊啦~
刪除早排滔滔唔舒服, 我一連5日唔返都算數。不過就要日日都叫校巴司機帶功課比我地日日清功課。唔係積埋5日一次過做就翻眼!
佢覺得身教緊要架, 所以佢咪唔想比個仔串佢囉!
刪除我都終於明白點解幼稚園咁多小朋友一齊病，原來真係有啲家長會比啲有病小朋友去返學。
回覆刪除之前滕滕讀N班時, 個老師同我講有D屋企人真係要番工冇人湊, 所以嗰D病住都會番學, 但係佢而家係擺明有人湊都唔想佢唔番學, 因為佢怕MISS左D課程!
刪除因為佢怕MISS左D課程 <---呢樣嘢我係好唔BUY佢, 因為佢覺得個仔病就唔怕, MISS左D課程就怕!