真開心~

天主做"人"呢樣嘢真係好神奇!!! 上一刻可以好嬲, 但係下一刻, 又可以突然之間好撚開心!

尋日朝縱使見到個癱疸就真係好撚興, 但係到夜晚, 又比我開心到飛起!

今日放半日, 公司食完團年飯, 我就走去電個靚髮! 個髮型師我都搵左佢6/7/8年喇, 我幾like佢, 因為佢沉默得嚟講嘢好斯文, 但又帶點串, 串得嚟我又覺得幾好笑喎! 因為佢問我想點整, 我答佢, 我只係唔想同而家差唔多, 我想唔同, 但係又要好打理, 最好唔好成日要我嚟搵你, 同埋, 出嚟我唔要娘!

哈哈~ 個髮型師聽完跟住就一笑! 哦~ 你求變咋! 但係呢, 娘唔娘你睇人, 並唔係睇個頭, 如果你個頭有幾型, 但係你個人娘的話, 我都好難幫你架喎! ......真係要比隻手指公佢囉!


電完個髮, 爆爆地, 都幾合我心水~ 心情又靚番好多喎!

開心嘅事仲未完, 電完髮, 係銅鑼灣搭地鐵再轉西鐵番屋企, 一出V-City, 比我掃到有個紫色袋, 一睇, 原來係米蘭站!

呢個袋, 我兩三年前係官方網站都見過, 不過一出好快冇晒, 因為只係seasonal product!  我估唔到, 結果咁都比我撞番, 仲要只係幾千蚊咁平可以買到!

嘩~~~~ 真係開心死我喇!!!