呢幾日都冇乜心情, 仲要因為 d 好小事發皮氣, 唔知係唔係因為陀住 bb, 個人會係咁呢?
每馮朝早上左車, 都會瞓覺, 瞓到總站先起身, 但係今朝瞓瞓下, 亞媽就打電話嚟, 話佢想做多份 part-time, 佢講講下, 我都冇心情聽佢講, 叫佢今晚先講, 因為呢 d 嘢, 佢可以尋晚打比我, 但係點解要一早呢, 一係就可以今晚架嘛, 因為好日朝早都冇電話, 一有電話嚟, 就好鬼驚唔知有 d 咩事. 好啦, 收左線之後, 就繼續瞓, 但係就冇之前咁入睡喇......"@"!!!
番到公司, 亞媽第一時間就走埋嚟同我講佢想做 part-time d 嘢, 哎呀, 講左九百幾次, 唔好係公司講埋 d 私人嘢囉, 點解講極佢都係咁架, 好煩好煩呀! 成日都係咁, 解釋過又解釋過, 鬧又鬧過, 點解! 點解! 點解! 點解個天要咁對我, 我真係比我亞媽激列反眼!!!
唔好咁忟啦,對bb唔好嫁.
回覆刪除你有媽媽煩你,其實都係你嘅福氣,希望你唔好介意我咁講,因為我媽媽已經唔係我身邊煩我lu.
珍惜眼前人.
[版主回覆12/08/2008 17:22:00]其實, 我都知道同好明白有人煩都係一仲福氣, 但係你知嘛, 我媽媽已經煩到嗰種地步, 係冇人個屋企人可以頂得佢順喇...........