打針, 好痛呀~

今日帶滕滕去DR FAN 介紹嗰個DR CHAN到打針, 一連打三支!

第一支係食嘅, 咩什麼輪狀病毒, 可以預防腸胃炎, 但係食左之後, 夜晚可以會肚痛!

第二支係肺鏈, 第三支係咩5合1! 打完第一支, 都唔使問亞季, 一定會喊架啦, 不過喊左幾下, 就扁住個咀停左, 跟住, DR 要滕滕轉身, 方便佢打另外嗰邊大肶, 不過一轉身, 滕滕就好似知道要打多支咁, 係到叫定先, 睇見支針打落去, 跟住佢就喊出嚟, 嗰陣時先知咩叫心痛!

到左今晚, 滕滕真係係到係咁喊, DR 叫我地, 如果佢肚痛就比藥水佢飲, 唔痛唔使飲, 講真, 佢係唔係肚痛, 我地真係唔識分, 雖然話D喊聲尖D喎, 好似今日打針咁, 但係我地兩個都唔覺得有咩分別, 所以滕滕喊到唔肯收聲, 我就只係摸下佢個肚, 睇下凍唔凍, 如果凍, 就可能真係肚痛喇! 嘩,原來用生油"初"到隻手滾滾地, 摸落佢個肚仔到, 真係好"靈", 第一下就已經放緩, 第二下, 就已經停左, 唔喊, 如事者, 整左成7/8下, 佢就已經冇事!

但係今晚, 漫漫長夜, 仲要睇下佢有冇發燒,因為DR話打完針, 會有可能發燒架, 所以今晚要多D睇下佢喇!