今晚, 同亞DEE亞媽, 家姐出去食飯, 而滕滕8點鐘要食奶, 所以食食下飯, 我就快D抓埋碗飯, 叫亞DEE開奶, 不過我奶奶, 一聽到話叫開奶, 佢就好快好快咁食埋佢碗飯, 同我講, 叫我比佢喂! 咁我諗住, 係我自己喂番, 費事好似佢食食下飯, 都要幫我喂奶, 連飯都食得唔好, 就費事啦, 因為佢D家姐係到,一陣見到我就係到食, 佢亞媽冇得食, 就唔知佢地點諗, 所以佢講左兩次叫我比佢喂, 我都話唔使! 不過, 講完之後, 我奶奶個樣就即變, 好似我好唔比佢喂! 我知, 佢可能想我可以食飯嘛, 但係我可嘗唔係咁諗呢, 而且你D 女係到, 我更加唔想比佢地覺得我好似自己掛住食啦, 所以我拒絕左佢兩次之後, 佢個樣擺明係一個UP-SET 樣咁, 繼續食飯, 不過係望住碗飯嚟食, 一句聲都冇出, 又冇同佢D 女講嘢!
過左一陣, 我奶奶又問, 唉, 好喇, 比你喂喇, 費事佢又UP-SET! 好啦, 比左佢喂之後, 就即刻冇事喇, 你話係唔係頂佢唔順啦!!!! 不過, 我都唔知點解佢次次喂親, 滕滕都食唔晒之奶, 一定最少有1/3剩, 今次, 都唔例外!!!
我同亞DEE講, 不如叫佢亞媽唔好喂奶啦, 但係亞DEE話佢亞媽咁少見滕滕, 就更係想啦, 叫我由得佢................! 我個心諗, 半夜起身嗰個又唔係你, 你就更係咁講啦, 我安排好好D時間, 諗住滕滕最夜嗰餐11點幾食完, 咁第二朝6點先再食架嘛, 如果比你亞媽攪一攪, 咁如果佢半夜兩點幾喊餓, 我就要起身架喇!!!
唉, 真係好鬼煩!
沒有留言:
張貼留言