6 綜罪!!!

今日終於抄左個賓賓喇, 好可惜,  不過又唔底可憐, 因為再對住佢多一陣, 我都想死!

有乜理由同佢傾左三次, 佢都係咁, 究竟佢想唔想係到做架, 佢話佢想, 咁點解講極都係咁, 我真係唔明!  只不過係短短個半月, 已經有好多嘢唔妥, 如果我番工, 我都唔知佢會點對亞 B!

我都唔知我會唔會衝動左, 但係我真係好頂唔順, 因為:

1)每事問: 我同佢講完今晚食咩之後, 隔一陣亞dee入廚房, 佢又問亞dee多一次; 我教完佢用個智能煲, 佢都重覆做左一次比我睇之後, 亞dee入廚房, 佢又問亞dee多一次; 只係好簡單, 我同佢講, 今晚食一個西蘭花, 亞dee入廚房, 佢都要問多一次! 一句講晒, 多樣嘢都要問多一次!

2)失憶: 同佢講完洗奶樽d 步驟, 叫佢抄底, 佢話佢會, 結果比我睇到步驟全部錯晒, 仲要話係我講!  係兩個鐘頭內, 叫佢左三次keep quiet, 佢都可以唔記得, 照係個廚房到嘈圈巴閉, 嘈到bb醒, 同佢講, 第日我番工, 佢係唔係照樣咁嘈, 暗完bb瞓,又去做家務, 又到嘈醒bb, 又暗番佢瞓, 一路一路都係咁, 跟住佢居然話: i can handle it!

3)做錯嘢, 爻咀, 唔認又懶人:  攞左支baby bath 去洗衫, 問佢點解, 佢話係亞sir 叫佢! 支baby bath 咁貴, 亞dee跟本唔會講錯, 更何況, 亞dee跟本冇同佢講過!  我叫佢洗奶樽, 只係press一次支洗潔精, 佢居然話係我叫佢 press 兩次!  我叫佢洗完 d 沙巾放入洗衣機到 fing 乾佢, 洗完之後, d 沙巾仲好嗅奶味, 同佢講話佢洗得唔乾淨, 叫佢再洗過, 佢居然話係個洗衣機整到d沙巾嗅, 唔關佢事, 佢可以証明比我睇! 如果係個洗衣機嘅問題, 咁點解我地d衫, 洗完出嚟, 冇嗅奶味先, 佢仲要死撐, 要証明比我睇喎!

4)喂奶係到睇電視, 喂左成兩個鐘! 本身,我都冇諗住係比佢睇, 開左個電視, 希望嘈d, 等靖軒唔好咁快瞓著, 呀, 點不知我睇到佢係到睇電視, 叫佢專心d喂bb, bb一停, 就how個奶樽, 點不知佢一路望住個電視, 一路好有節奏咁how, 咁bb唔瞓就奇啦, 靖軒可能以為叫佢早d瞓潻, 咁how法!  d 奶 re-heat完又re-heat, 咁點可以架, 冇益架嘛!  我話佢, 叫佢專心d, 佢居然話bb成日係到瞓覺喎! bb梗係瞓啦, 佢飲奶好攰架嘛, 請你番嚟, 就係要你叫bb起身飲奶架啦!

5)對bb粗魯, 求其! 靖軒飲完奶, 放佢落床瞓, 又唔同佢come 被, 大人就話識攞被come 啫, bb點識架!  好聲好氣同佢講, 叫佢第日一定要幫bb come 番張被之際, 比我發現, 靖軒個衫領濕晒, 問佢點解會濕左, 佢話bb嘔奶, 問佢點解唔同佢換衫, 佢話佢瞓左, 咁我就即刻問佢, 如果你件衫濕左, 你會唔會就咁去瞓覺先!  好啦, 我抱起靖軒, 諗住同佢換衫, 點不知原來唔係只係個衫領, 下面成件衫都濕晒!!!  佢話佢識同bb換衫, 咁咪比佢換囉, 呀, 點不知佢屈住靖軒隻手, 更硬著衫!!!

6)成日抺嘢, 但係都唔知佢抺乜, d shelf 全部都係塵, 熱水壺上面又係塵, 抽油煙機個頂又係油, 暖奶器裹面d 水又係塵, 連bb個沖涼盤裹面有積都冇去洗!!!  叫佢唔好用個雞毛掃去掃塵, 解釋比佢聽點解唔好用, 佢居然又攞去用, 仲張我張床上面個shelf 上面d塵掃落去我張床到!!!!!!!!!

乜唔係未試過照顧 new born baby, 會係再小心d 架咩, 但係呢個賓, 就真係唔會囉, 我係到望住佢, 佢都已經係咁, 咁我唔係到, 番左工, 你估佢會點, 所以我今朝抄左佢, 叫佢即走, 因為對多陣, 真係反眼又反眼!