搶呀

今日亞媽入嚟, 我約左佢係友愛等, 因為我去左飲茶, 所以叫佢下一個站落車先一斉行番去, 點不知, 一開門, 就見到我奶奶坐左係到睇報紙! 其實, 我心中都有數, 因為之前嗰晚, 我見到佢打過電話嚟, 所以我都估到佢會嚟!

番到去, 我就預備同滕滕沖涼, 因為沖完之後就要食奶喇, 所以我就放底佢, 就去預備(與此同時, 好奶奶就即刻抱番起佢)! 沖完涼, 我個人都未出房門, 我奶奶就申隻手入嚟, 係咁爭住話抱佢! 跟住我就即刻話, 等我行出嚟先, 因為放左個沖涼盤入房之後, 我行出嚟都要側側身, 所以可唔可以等我行左出嚟先呢, 咁樣遞住隻手嚟抱, 會唔會危險D呀, 因為而家滕滕都唔係輕架嘛!  講左兩次話等我行出嚟先, 佢都話唔使, 就咁遞比佢就得! 好似搶住嚟, 使唔使呀, 我亞媽都冇出過聲話要抱!!!!!!!!!

好啦, 唔使講, 我奶奶都挾住左滕滕啦, 咁喂奶都係佢啦, 都冇得撰, 但係, 都係, 滕滕食左2/3 就唔食喇, 仲要講: 快D 食喇軒軒, 媽咪嚟鉋制你架喇! 我係廚房雖然聽到, 不過我都反左眼, 費事出聲!  過左一陣, 滕滕都係唔肯食, 掃左風都唔係再食, 所以我亞媽就出手喇, 話, 不如比我試下, 睇下佢食唔食啦, 點不知, 我亞媽一出手, 成支食晒, 勁呀!!!

食完, 坐左一陣之後, 我放底滕滕比佢瞓, 仲叫我亞媽唔好係咁同佢傾計, 如果唔係佢唔肯瞓, 會好扭計! 其實我係想講比我奶奶聽, 因為佢都係咁, 佢一郁小小, 就即刻問佢, 咁滕滕就點會瞓得好呀, 小朋友心野架嘛!  唔講嘢, 就你話嘢, 滕滕一郁, 佢又問佢仲咩, 之後我就即使"shu", 叫佢唔好出聲,因為佢會再瞓番, 跟住我就推下佢high chair, 但係我奶奶就二話不說, 即刻話"等我啦"!

嘩!!!唔使咁"her" 嘛!!!