呢兩日好多私人嘢做! 因為.........
尋日同今日, 我買左5支消毒藥水要嚟洗衫, 其實本身我都有用開消毒藥水, 但係我用開呢隻牌子好本身好搶手, 而家呢個時候, 就仲難買, 所以我一次過掃左5支!
本身我有小小潔癖, 成日都覺得隻手唔乾淨, 而係屋企或者公司附近買滴露嗰隻細包裝嘅消毒濕紙巾都唔平, 成八九蚊一包, 而且仲缺緊貨, 所以叫亞媽幫我係深水埗d藥房去搵! 結果, 係我意料中事, 因為加左價! 搵到一間$6/包, 又比我掃左30包! 連埋我今朝係車仔檔到買左10包 swashes 嘅消毒濕紙巾, 同埋屋企仲有20包都係消毒, 我估應該都可以用到一段時間!
上個星期五買左個電話比舅父, 星期一打算去開張無限上網嘅電話卡比佢,不過D電話no.核突到跟本都揀唔落手, 結果今日終於揀到個好小小嘅老no., 同埋約左舅父今晚放工時間可以成套嘢送比佢!
好朋友叫我幫佢淘番嚟嘅髮夾終於都今日到斉, 所以今日點左馮小姐去幫我寄, 寄完唔使佢番公司, 擺明so佢可以早d收工, 所以佢開心時我又開心, 因為我唔使自己上去郵局!
其實做完左咁多嘢, 又滿足晒我要買嗰d嘢, 個人真係好開心, 尤其係送左個電話比我舅父! 因為我舅父除左我地一家親人之外, 人生就仲有只得一人個朋友! 真係多都冇! 見佢睇到我同亞媽細佬同我老公係到講緊d智能電話時, 從佢個表情就知佢好想有一個! 細個時問舅父攞錢, 佢從冇托我手踭, 而家佢老喇, 耐唔耐比錢佢買下嘢食, 送下電話比佢我都可以afford得起嘅~
乖 ^-^
回覆刪除[版主回覆04/18/2013 14:25:40]唔好讚我乖, 因為我自己都唔敢話自己乖, 因為我成日都會話佢兩老, 仲要係冇分大細咁話!
你買邊隻牌子消毒藥水會決貨?我都有潔癖架，我每次都要用消毒藥水去洗衫，咁先會覺得乾淨
回覆刪除我發覺你真係好乖，連舅父都照顧埋
[林林回覆04/19/2013 12:37:43]我呢邊成日都見到喎，會唔會你個邊平啲，比人買晒呀?!
我誤會咗，以為你會幫舅父交埋月費
[版主回覆04/17/2013 15:57:22]我買威露X嘅! 成隻牌子成日一出都比人買晒, 好很難買~
我冇照顧埋我舅父架, 只係買左個電話比佢, 同埋過時過節比小小錢佢! 如果我嫁左個有錢人, 我一定會照顧埋佢, 不過可惜我老公冇錢........
HI
回覆刪除稀客到訪
[版主回覆04/18/2013 14:25:55]你而家份工好忙呢~