我已經開始覺得滕滕有自己意思, 因為而家好多時佢都同我講"不過我想XXX喎!"
所以好多時我而家都會問左佢好唔好先要佢做! 雖然我知, 不過D工人就一定唔會知, 亦都FEEL唔到!
好似有一日, 我聽到滕滕係TOILET到鬧個工人, 咁我放工番到屋企問滕滕究竟仲咩事又鬧人, 點不知滕滕居然同我講: "乜你聽到架?!"
滕滕同我講, 原來係工人唔比佢自己沖涼, 而工人就話佢唔肯關水係到玩水喎! 就係因為滕滕要自己沖涼, 而工人唔比, 所以滕滕就鬧佢喇!
而我, 就我同個工人講, 滕滕可以自己沖涼, 你唔好攪佢, 不過佢沖完你就要同佢檢查, 而滕滕就自己沖涼, 沖完就姐姐CHECK好晒OK喇, 就要關水, 唔准玩水! 講完就問下各方面有冇問題, 冇問題就散會!
我諗未來嘅日子都會有好多呢D咁樣嘅情況, 因為個工人而家仲當滕滕係BB, 乜嘢都聽晒佢講, 唔可以SAY NO! 而滕滕就成日打嚟話姐姐唔比佢咁又唔比佢咁, 但係佢又想咁喎~ 所以, 都要諗諗點樣去同個工人講佢應該點做喇.........
咁姐姐企埋一邊睇住滕滕做咪得囉.
回覆刪除[版主回覆04/25/2013 16:39:28]我同佢解釋過, 希望佢明白佢已經又大個左小小
[林林回覆04/25/2013 11:38:53]咁不如叫姐姐放下手啦，滕滕大個喇嘛
[版主回覆04/24/2013 15:53:25]權, 我一早比左, 就係因為比左權姐姐, 所以姐姐有時一定要滕滕聽佢講! 但係佢又唔諗下小朋友會大個有主見! 所以尋晚同左姐姐解釋左呢個POINT, 叫佢去同滕滕可以講下數, 唔可以好似以前咁任由我地話事囉!
[林林回覆04/24/2013 12:32:25]咁一係你比少少權比姐姐，如果唔係，滕滕事無忌旦咁鬧人，真係對滕滕唔好.
[版主回覆04/24/2013 10:54:13]佢地冇腦, 佢地唔會覺得小朋友大左可以有自己能力去做嘢, 佢仲覺得佢係一個BB, 佢要插手, 如果唔係會比太太鬧!
依+ D 細路好早熟
回覆刪除[版主回覆04/29/2013 16:52:38]係呀, 我呢個都係!