搽甲油膠都有面油, 甲油, 同埋底油, 聽落去照燈都係2-4分鐘, 覺得應該會好快, 不過原來整一對手/腳, 都要半個鐘!
整左都有D似GEL甲, 感覺上唔錯~
不過, 星期六朝早整, 到左星期二, 個甲頭開始花喇!
朋友話佢兩三日就甩, 可以係個邊位到搣出嚟, 而我就5-6日到先可以開始係個邊位到開口!
因為我屋企有成幾十支甲油, 如果轉晒用甲油膠, 咁我D甲油就做晒孤兒仔女, 所以襯住朋友借左部機比我, 我就試下MIX & MATCH喇!
1)我用自己本身嘅底油+甲油搽, 搽完冇等佢乾就即刻搽左甲油膠嘅面油, 跟住即手去照燈! 我諗住更硬去照乾左甲面就以為OK, 點不知原來係唔work嘅, 因為番到屋企, 腳甲d甲油成塊甲油膠"煎"起左, 而裏面d甲油係仲未乾嘅!
2)我淨係用自己d底油, 其餘嘅甲油同面油都係用甲油膠搽完去照燈! 結果係ok嘅, 不過就兩日已經開始有脫離嘅跡象, 即係用自己嘅底油會容易甩出嚟!
3)第三次測試, 底油甲油同面油都係用晒自己本身嗰d, 不過乾晒之後, 就用甲油膠加上面再照燈! 上星期五上午搽, 到今日個指頭就開始有小小花, 但係就冇甩嘅跡象!
睇嚟, 第三次嘅方法係最好, 因為唔會嘥左而家d甲油之餘, 仲可以有光令令嘅效果! 都唔錯!
第二張相啲甲油好似好厚咁嘅?第三張好正常好靚喎
回覆刪除[版主回覆05/02/2013 16:08:24]第二張相係新解滾熱辣出爐, 如果係現場睇, 就似gel甲, 而第三張就已經開始花, 唔多掂~