條友仔用水筆畫落牆到, 我當然知道膠擦係擦唔甩, 不過我都要佢擦左15分鐘!
擦完15分鐘之後, 佢就喊住同我講擦唔甩! 得~ 膠擦唔甩, 就用布囉! 因為之前原來張sofa都有, 只係比姐姐抺甩左! 所以我又要佢用布去抺左15分鐘!
老公同我講, 原來係我番嚟之前, 滕滕叫佢老豆唔好話比我知佢畫花左幅牆, 不過老公就答佢: "若要人不知, 除非己莫為!" 聽完老公講, 真係笑到我死, 因為我話洗唔洗咁深呀! 我同滕滕講, 叫佢做每一樣嘢之前都要諗下啱唔啱先好做, 呢個行為我覺得以一個4歲嘅小朋友嚟講已經好難, 老公仲要話若要人不知除非己莫為喎, 大佬~ 點明呀
4歲嘅小朋友係咪真係會識諗後果架?
回覆刪除[林林回覆04/23/2013 16:21:18]下次叫佢先貼本畫簿係牆先畫嘛，要學老師又學唔足
[版主回覆04/23/2013 16:16:24]我有問佢, 佢話因為嗰日去畫畫, 見到老師張本畫簿泊係牆到畫, 咁佢就心血來潮畫係牆到!
[林林回覆04/22/2013 15:41:44]你有無問佢點解細個時唔畫，到咁大個先黎畫?
[版主回覆04/22/2013 15:30:42]更係要咁慘啦, 如果唔係下次再會嚟過~
[林林回覆04/19/2013 14:00:53]佢一邊抺一邊喊好慘慘呀
[版主回覆04/19/2013 12:43:49]更係唔會啦~ 如果佢地識諗, 就唔會成日做錯事啦!
咁講, 只係想引導下佢啫~
同我一樣! 滔滔畫花櫈背, 我無鬧佢,只係攞左嚿膠擦比佢。滔滔無咁大劑, 因為佢用鉛筆。
回覆刪除我比左條片比滔滔睇, 個衰仔就做保長話騰騰唔乖。不過, 睇得出滔滔見到條片都好驚!相信佢以後都唔會畫!
[版主回覆04/22/2013 15:31:42], 佢地幾時唔鐘意做保長吖! 一搵到位入我地就即上身啦!