表姐介紹去深圳福田, 因為上面D小朋友衫堅平, 嘩, 真係唔睇到都唔信, 因為起初我都冇乜信心, 諗住只係幫滕滕買下D冬天睡衣同埋係屋企著嘅衫, 樹不知有意外收獲喎!
嗱, 呢對鞋就真係冇得頂喇, 價值RMB30! 不過唔知要到幾時先啱著喇!
呢件衫就真係一見鐘情喇, 因為係紫色架, 攞左上手跟本就冇放開過, 價值RMB95!
呢件背心都係 my favour, 好靚好鐘意,價值RMB100! 不過, 又係唔知幾時先啱著!
好喇, 屋企衫出場喇, 呢兩件都好好, 價值 @RMB25! 呢個冬天得, 著得落!
嘩! 又出場喇, 呢兩套又係堅平, 因為如果係JUSCO到買, 100蚊到,可能都唔得, 而家只係@RMB45 咋!
呢兩套都係堅平, 又堅暖, 亞DEE話著左一定熱死滕滕! 價值 @RMB45!
仲有兩套屋企衫留左係表姐到, 都係得嘅, 所以今日真係好飽, 好飽, 買到好飽!
買完仲去左揼骨, 雖然話係揼骨, 都做左好多嘢架, 有全身去死皮啦, 修腳啦(因為平時只係著高跟鞋, 涼鞋,所以個師傅張我雙乾腳攪掂好), 全身熱石推油按摩同埋背部磨沙!
爽晒, 真係爽晒!!!!
真係好大收獲喎
回覆刪除[版主回覆10/19/2009 22:42:00]係呀, 真係好豐富, 下次要再去!
真是又靚又平呀!到寶貝bb出世我都帶他去買衣服先!大陸的東西真的平些的!
回覆刪除[版主回覆10/20/2009 09:22:00]大陸d嘢就真係好平架, 不過要搵囉! 我地之前去左東門, d bb嘢就唔係好得喇, 係福田呢到得d喇!
我冇帶滕滕去架, 因為好似好危險咁.....所以我帶左佢套衫仔上去買咋!
下半part 節目最吸引, 收費如何???好想去下
回覆刪除[版主回覆10/20/2009 09:29:00]下半part一共 RMB272包埋小費! 因為有兩part小費我比左 RMB15, 另外一part比左 RMB20, 減左即係 RMB222!
嗰到地方都幾好, 好乾淨! 但係嗰到D人sale服務態度, 比你仲感覺好close, 所以好似唔係好好意思比太小小費囉!
我老公話好似好貴囉, 不過我地唔知價, 所以就........不過我就覺得ok囉, 因為可以做晒我想做嘅嘢(因為推油按摩, 可以做埋推胸架 !).
我最鍾意按摩個part，又唔算好貴喎
回覆刪除你係邊間呀?近邊到架?我又想上去按摩呀
可唔可以男女一間房架?
[版主回覆10/20/2009 11:01:00]等我問下叫咩名先再話比你知! 一出福田地鐵站前小小就係架喇, 好近!
你可以同你老公一間房架, 唔使怕, 只係全身去死皮嗰一part係要分開啫, 因為係係浴室到做架, 不過都唔使怕, 因為唔會好耐嘅, 除非你個身好多老泥啦 !
最緊要係安全，所以要同老公一齊
回覆刪除[版主回覆10/20/2009 12:23:00]我都好驚上大陸架, 不過嗰到, 我都覺得幾安全!
熱石按摩
回覆刪除[版主回覆10/20/2009 22:54:00]叫德興城呀, 出左福田嗰個站, 好近架咋!
咁好啦，我等你比個名我
回覆刪除熱可按摩舒唔舒服架?
[版主回覆10/20/2009 14:17:00]熱石按摩唔係按好耐, 因為舊石好Q 熱架, 但係都ok, 不過我buy全身去死皮, 因為佢擦完之後, 個身好似真係好乾淨咁, 連平時自己擦唔到嘅都比佢擦得乾乾淨淨!
你唔記得仲有隻手撕雞同埋個迷你衣車喎.....
回覆刪除[版主回覆10/21/2009 15:37:00]個手斯雞一早食左啦, 至於個迷你衣車, 我而家仲研究緊用唔用得!
嘩. d衫好靚靚........especially this one:
回覆刪除[版主回覆10/21/2009 12:29:00]所以唔使一舊水, 都算係咁喇!