乜將個微波爐較到最細火, 但係就叮成30分鐘, d幅射會細d, 冇咁易死架???????
個會計白痴!!!! 都唔知佢個腦係唔係生係個屎忽到!!!! 一係就係公司不停咁煲嘢, 煲藥, 煲湯, 煲粥, 煲果皮水! 唔煲嘢, 就用個微波爐叮嘢叮成個鐘, 叮完一次30分鐘之後, 如果唔夠熱就再叮!
同我地講, 食肉會短命d, 乜用微波爐叮嘢食, 就唔會咩?! 叮左咁耐, d膠都會老化得快d啦, 有冇腦架!
你估個微波爐只係比你一個用咩, 公家嘢嚟架, 如果你想只係你自己一個用, 不如你買個放係自己個位啦!
老闆攞個飯煲比我地一斉用, 你就將個飯煲個膽用你嗰對鐵筷子整到花晒, 仲生晒锈(你話佢係唔係忽忽地, 邊有人用鐵筷子去攪個西施煲架); 個微波爐呢, 又比你攪到叮左都唔熱! 人換炭粉你又換炭粉, 你換完個炭粉, 個fax機又比你攪到卷唔到紙上去! 人又影印你又影印, 點解你成日影印, 都唔記得扯左口釘出嚟先放入去卷紙影印啫, 攪到個影印機影完d嘢出嚟歪晒, 乜你唔知點解歪咩, 就係因為你冇扯d釘出嚟先影, 攪到d釘攝晒係個機裏面, 咁d紙出嗰時咪歪晒囉!!!!
你究竟知唔知人地頂你唔順架, 係唔係因為公家嘢, 你就求Q其, 話知你! 枉你仲成日同人講佛, 又話去邊到邊到靜修喎! 你個人咁, 修埋你餘生你都冇鬼用啦!!!!
你不如直接同佢講啦
回覆刪除一係你將呢篇嘢print出黎，之後貼係你公司嘅notie board，不過記緊唔好開名或者信佛者人，佢應該會知理虧
[版主回覆10/10/2009 11:31:00]我唔會同佢講, 費事話人啦, 可能佢想有多d超能量(幅射)呢!
"煲嘢, 煲藥, 煲湯, 煲粥, 煲果皮水"
回覆刪除你呢句好堅呀~點解佢咁多時間煲野????????日日返工諗煲湯~咁點解佢唔搬埋返公司住?就可以save埋屋租喎~
哈哈~
唔好咁嬲啦~
[版主回覆10/10/2009 11:30:00]我唔係嬲, 只不過我覺得真係好好笑啫, 因為佢都"冇腦"!
佢如果一叮嘢, 佢就會叮whole morning, 而且有陣時食完lunch又會再煲多一劑, 我同我個朋友+同事講, 可能係for 埋 dinner!
但係佢影響到你噃
回覆刪除[版主回覆10/10/2009 11:38:00]佢影響唔到我, 因為我地好多時都係用飯煲整飯! 只不過有時有d餸要叮先好食, 咁我地先會用個微波爐啫!
下次整古佢，熄咗佢叮梗個餸，叮完自己個碟餸之後，放返佢碟餸入去，唔開幫佢開返喎，哈哈哈
回覆刪除[版主回覆10/10/2009 15:41:00]尤佢啦, 佢叮先, 咪佢食先囉, 仲好啦, 我地冇人想對住佢, 唔想食飯冇乜mood!
再唔係整鬼佢~等佢叮野果時，你幫佢加料~哈哈
回覆刪除多糖~多水~多鹽~最後叮乾佢~yeah~
[版主回覆10/10/2009 18:32:00]我地公司人小, 唔可以咁做, 如果唔係, 我一早比D嘢佢嘆啦!
車~冇得玩~~~咁點算呢~哈哈~最後一招~當佢開慢火叮之後同佢加大大火~叮完再叮~看佢個煲點洗~哈哈~
回覆刪除不過如果人少就好難玩~咁~~~~~~~~~~~~~~~~~~~~~~~~~~~~~真係唔知喎~
[版主回覆10/10/2009 23:54:00]都好, 叮到佢d 飯變飯焦...... !
真係有同感呀！ 我公司個會計又係咁 （唔記得扯左口釘出嚟先放入去卷紙影印啫, 攪到個影印機影完d嘢出嚟歪晒），咁多人影印都唔ｊａｍ紙，就係佢成日都ｊａｍ到暈，又要鬧部影印機 微波爐係大家一齊用，有ｄ同事就用”文火”叮成７分鐘，我另外ｄ同事就只好兩個飯盒一齊用高火叮 真係唔明白，ｄ人有無考慮下人地，你自己係屋企我就唔理你，ｄ野係大家一齊用，有ｄ公德心好嗎???
回覆刪除[版主回覆10/17/2009 12:18:00]如果佢地係諗到人地, 就唔會做埋D咁嘅嘢啦!
不過, 我嗰個就無良D囉, 因為佢成日同人講佛, 所以就真係佛口黑心囉!