今朝10點幾, 比粥仔滕滕豬食, 食左一陣, 佢開始有d反胃, 再食多兩啖, 就嘔左d出嚟!
因為之前姐姐話d蕃茄粥可能酸佢唔係好鐘意, 食到有d反胃, 所以起初我都以為係, 但係再食多兩啖, 連晨早嗰餐奶佢都嘔埋出嚟!
唔妥, 真係唔妥, 一抱起佢, 發現原來有小小燒, 接近101, 所以係襯住今日係星期日, 1:00前就同佢去睇醫生喇!
dr話有小小喉嚨發炎喎, 所以滕滕豬要食消炎藥同退燒藥! 食左藥, 諗住佢會係咁瞓係咁瞓, 但係佢唔瞓都不突只, 仲比平時精神喎! 唉, 真係吹佢唔脹! 食左藥, 好心就瞓下啦, 唔瞓覺, 又點會快好呢!
軒豬仔, 你仲咩唔瞓覺呀?!
軒豬仔, 你諗緊咩呀, 瞓下覺啦!
抱你又唔瞓, 玩你又唔玩, 你想點呀~
滕滕豬一直以來都冇發過燒, 連上次打針, dr 話之前冇發過, 呢次一定會發, 佢都唔發!
好囉! 軒豬, 你終於都發燒喇! 發下燒好喇, 可以多d抵抗力嘛!
係咪因為想同你玩，所以唔瞓呢?
回覆刪除bb今日好返未呀?
[版主回覆10/28/2009 11:21:00]佢嗰日笑都冇乜點笑過呀, 食左藥, 真係變左個懵軒!
佢尋日都冇燒嘢, 不過就出疹囉, dr話只係假疹, 唔係真係出疹喎, 出晒出嚟之後, 佢就會舒服晒架喎!
有冇飲d保礦力呀?驚佢唔肯飲水呀~發燒的bb呆呆下咁~好可憐呀~你要快d好返呀~
回覆刪除[版主回覆10/28/2009 11:35:00]佢肯飲水.........乜咁細個飲得保礦力嘅咩???
哈哈~其實我唔識......
回覆刪除[版主回覆10/28/2009 14:20:00](Empty)
軒軒好返未呀?好好照顧他呀!
回覆刪除好番未呀，最衰表姐la，不過"小病是福"
回覆刪除[版主回覆10/29/2009 12:29:00]就係因為發一發燒, 軒軒先多左抗體咋! so good!