多謝你呀~

尋日番到屋企, 我表姐就打電話嚟鬧我......唔係, 係話我.......都唔係, 應該係指點我先啱!

因為佢睇完我寫嗰兩篇blog: "好開心我身邊有你!" & "唔識行呀.....哈哈哈哈......" , 就好肉緊咁同我講, 佢以前都想佢對孖寶瞓耐d同晏d架, 不過就係因為放左落張大人床之後, 就lai 嘢, 以後都要一齊瞓, 叫我唔好亂咁嚟, 同埋, bb仔係未到一歲都唔應該著鞋仔架, 因為佢地feel 唔到個地, 第日就會唔係好識行, 同可能行得唔好架喇, 又再一次叫我唔好亂咁嚟!

雖然, 我當時真係好求其咁答左佢: "得喇, 我嗰日放佢係我地張床瞓, 係因為嗰次係孖day holiday, 我真係想瞓好d先放佢係我側邊啫, 而鞋仔, 係因為天氣開始凍, 今個星期六有街去先買對鞋仔比佢著, 唔想佢腳fing fing 啫!" 但係佢每一次同我講嘅嘢, 我都有思考架!

所以, 表姐, 你唔好以為我會嚴你煩, 因為我知道你緊張我同滕滕先至咁夜打嚟, 係個blog到留左言都等唔到, 要即刻打比我!  我feel 到架, 我真係feel到架, 只不過我份人好多嘢都唔會講出嚟, 仲要好似好唔耐煩咁應你, 因為我個性格就係咁, 好似好唔耐煩, 但係其實個心就已經開始緊張, 如果唔係, 我點會記住你同我講過嗰d 嘢吖!

以後, 我仲有好多嘢都唔識, 到時我問你, 你唔好嚴我煩就得喇!