軒豬自從退左燒之後, 就開始出疹! 因為怕唔知係d咩嚟, 所以即刻同佢去睇醫生, 好彩, dr一睇就話係假疹, 唔使食藥, 唔使揸嘢, 等佢出左, bb就會舒服d!
不過, 今朝軒軒起身食奶, 就見到佢塊面咁............
一睇到........哎呀, 心痛死我喇, 可憐嘅軒豬呀!!!
可惜, 今晚放工番到嚟, 情況重嚴重左, 差唔多全個面都係, 個身好多好多, 而且軒豬仲不停係到大叫大喊, 因為佢全身好痕好痕, 見到佢對腳仲不停係到互擦, 係咁擦, 係咁擦!
軒軒, 真係陰公豬囉, 心痛死我喇, 我知你好痕好辛苦, 忍多一陣啦, 好快好番架喇, 媽咪見到都好肉痛, 又幫唔到你, 所以錫番啦, 錫番啦!
有無啲咩搽咗令佢無咁痕架，即係例如火酒呀，浸片糖水嗰啲呢?
回覆刪除[版主回覆10/30/2009 14:12:00]dr話冇嘢揸喎, 不過我去左個中醫到問, 佢話煲d金銀花比佢沖涼應該會好d喎, 希望係啦!
咁快啲幫bb沖啦，好慘呀
回覆刪除[版主回覆10/30/2009 15:11:00]沖左喇, 希望有效啦!
我留個時都出過呢d~會愈找愈多嫁~不過唔知同唔同一樣~茶樹油有冇幫助呢?因為我見狗的用品都會用茶樹油俾佢地沖涼~係幫皮膚有幫助嫁~
回覆刪除而人都會用茶樹油治暗蒼~你試下有冇幫助~
[版主回覆11/02/2009 12:46:00]唔該晒! 不過, 唔使喇, 佢一夜之間, 已經冇晒喇, 幾神奇呀~
軒軒真是辛苦呀!有無問醫生為何會有假疹的?
回覆刪除[版主回覆11/02/2009 12:47:00]dr冇講點解會有呀, 佢只係話bb好多時都會出, 出左就會舒服晒喇!
會唔會係奶癬, 我bb都有類似咁既情況, 睇完醫生後, 醫生開左d奶癬高查了兩日早定晚已經變滑滑, 同埋出呢d , bb塊面會好痕, 所以都係盡快睇醫生, 等醫生開藥高呀!
回覆刪除[版主回覆11/04/2009 14:44:00]睇左醫生喇, dr話係假疹喎, 佢話好多bb都會有架, dr話冇藥食, 冇藥膏查, 要等佢發晒出嚟, 亞B 先會舒服晒喎!