老豆上個星期六腸胃炎, 星期日同我講就叫佢星期一好去睇, 點不知星期二先去! 食左兩日藥老豆話要去再睇, 因為覺得仲未好番, 點不知今日睇完, 醫生話佢身體含氧量唔夠, 可能要租機番屋企吸氧氣..........!
我再諗深一層都似, 因為亞媽早前已經成日講老豆成日都好似好攰, 下午又要去瞓覺, 應該都似係含氧量唔夠! 所以我就打左去醫生比嗰個電話到問! 個sale話, 如果醫生話要吸氧氣, 應該最初期都會係每日吸一個小時到(聽到要吸一個小時, 真係覺得好耐........, 不過呢個已經係最初期), 而吸開左就唔會有好轉, 即係吸開要吸, 唔可以唔吸, 所以身體即係開始..........個sale話最好查詢下醫生有關呢方面嘅嘢, 因為唔係話吸就可以去租機吸, 因為係要以醫生指示去吸嘅!
因為想得多個醫生嘅意見, 所以我尋日同老豆去BOOK左明愛今日就去睇左, 而個醫生就同老豆去驗血, 做心電圖, 照肺........而呢D步驟亦都係我預期, 同埋唔想面對, 因為我知道老豆食左咁多年煙飲左咁多年酒, 跟本知道個report一定唔會係好, 而且可能仲會證實到一d我一直唔想知嘅事實........
我近排都要搵租氧氣機資料，你有需要搵我...
回覆刪除祝您爸爸身體健康!
[林林回覆05/28/2013 09:24:38]好的~
[版主回覆05/27/2013 15:05:09]我有個電話可以去查詢, 如果有嘢需要搵你, 我搵你吖!
一家人樂觀 D 一齊比能量世伯!!!
回覆刪除[版主回覆06/04/2013 12:49:24]呢個星期尾可以去喇, 不過我想下個星期初先同佢去!
[村姑 C 9 仔 *.*回覆05/31/2013 16:35:13]幾時出報告?
[版主回覆05/31/2013 14:38:43]都唔係嚇自己嘅, 我老豆長期食煙飲酒, 所以其實心中有數.......
[村姑 C 9 仔 *.*回覆05/27/2013 17:49:06]YES! 咪自己嚇自己先。
[版主回覆05/27/2013 16:47:04]我表姐, 一聽到話含氧量低, 話係癌症先兆, 一聽到真係當堂乜心機都冇晒! 不過後嚟問我做物理治療個表哥, 佢話連食煙嘅人都含氧量低, 唔出奇喎! 當堂由谷底上番嚟地面呀!
不過, 我都冇同老豆講, 費事佢唔開心啦!
[村姑 C 9 仔 *.*回覆05/27/2013 15:43:16]係呀! 心態樂觀唔樂觀都好影響 ga!
另外, 睇左report 先知, 可能E生穩陣D 先CHECK 咁多姐。
[版主回覆05/27/2013 15:04:25]佢同我講, 個DR同佢CHECK咁多嘢佢都有D驚, 我唔想比佢知我都驚, 我唯有同佢講佢個肺黑就梗, 只係睇下究竟有幾黑, 而其他嘢, 我盡量避開唔想講........