滕滕讀N班時, 同有個同學仔好夾好玩得埋, 咁我當時就問老師攞佢同學仔媽媽個電話, 直到而家K1, 雖然大家已經好少見, 但係好耐唔耐都會出下嚟比兩個小朋友見下面玩下! 而且我仲幫滕滕去報佢個仔間畫室, 等佢地可以一齊畫畫!
我安排滕滕星期一三五去上堂, 係因為我屋企冇老人家一齊住, 平時冇人同滕滕玩, 成日見到個仔自己一個人瞓係地下玩車, 而工人就只係好有時會同佢玩, 所以橫掂都係ON99, 咁倒不如比佢去上下堂, 接觸多D小朋友, 學到嘢固之然係好, 學唔到嘢都可以學下溝通!
就係因為咁, 朋友仔個媽媽早前就問我D courses, 又想幫佢個仔報下! 滕滕上緊嗰d堂都full到爆, 佢留左名, 我又再追下, 點不知我第一次lai左嘢都唔醒目! 因為人地媽媽留左名, 而我同嗰到d staff 熟左小小, 所以我又幫佢問下, 人地有位就第一時間通知我, 我就叫人地媽媽去比錢, 點不知, 人地媽媽報左第二到又唔同我講! 真係, 吊~~~~
收到屋企附近間YMCA暑假班本小冊子, 人地媽媽又再同我講有咩報就預埋佢, 好啦, 以前不計嘅我, 就再去問佢! 我打去YMCA, 佢話因為小冊子只係剛出, 唔需要咁急去報名, 所以人地媽媽話星期六可以去, 問我星期六滕滕上堂幾多點, 過嚟搵我一齊報喎! 但係過一陣又話星期六要去拜山, 問完老爺幾點拜完先覆我! 點不知今晚, 人地媽媽打電話比我, 話佢係YMCA幫佢個仔報左, 問我滕滕報左未, 因為已經冇位喇喎!
真係好想小佢喇叭囉! 我答佢乜唔係聽日話嚟一齊去報咩?! 佢話佢聽日要去拜山, 所以今晚放工嚟報左先喎!
嘩~~~!!! 我當堂興過火屎囉, 又話等撚埋佢聽日一斉去報, 無啦啦自己去左仲報埋, 仲同我講佢個仔報左, 如果滕滕未報就冇位喇喎!
真係吊那星!!! 如果唔係等埋佢, 我洗撚報唔到呀!!!
明知 FULL, 佢做乜唔同滕滕報埋呀!?
回覆刪除下次唔好預佢姐!
[版主回覆05/07/2013 16:01:39]知衰咁又點! 我最唔LIKE就係明明講左就佢星期六一斉去, 佢無啦啦就話星期六要去拜山就自己去左先, 有冇攪錯呀! 學你話齋, 我真係等佢等到FULL晒囉!
我真想叫小B媽取消佢架(親子個GROUP)! 佢就係其中一個去烈火嗰個!
[村姑 C 9 仔 *.*回覆05/07/2013 15:46:33]都好, 起馬佢都知衰。咁你唔好咁嬲啦。
原來有佢都 ADD 左入 group, 佢都參加左烈3童心? 咁就好難 law~
[版主回覆05/07/2013 13:02:04]佢就係打嚟同我講滕服已經冇位報唔到!
佢聽日MSN我, 我唔九理佢, 跟住佢就WHATSAPP我, 話如果滕滕報唔到就將佢個仔個位比我喎! 我答佢唔洗, 佢又話唔緊要, 最緊要係佢地可以一齊上到喎! 如果真係想佢地一齊上, 咁我又唔明佢知道當時只係得番一個位都報囉! 我估佢可能番到屋企再打比我我唔聽, 佢可能FEEL到我唔老嚟!
不過, 下次真係唔7預佢! 但係~ 之前小B媽已經ADD左佢係group到, 好難抽番佢出嚟~ 吊!!!
呢類人咪又係卜街自私精囉
回覆刪除[林林回覆05/08/2013 15:21:49]真係唔洗再理佢
[版主回覆05/08/2013 14:30:42]可能我星期五晚佢再打比我我冇聽, 佢先可能知道LAI左嘢卦~ 不過唔理喇, 我而家都未興完!
[林林回覆05/08/2013 13:56:23]氹返你囉
[版主回覆05/08/2013 12:34:18]佢過左幾日先同我講, 如果滕滕真係冇得上, 佢就唔想喎, 如果仲開班佢就掉嚟一斉上喎! 都過左幾日, 都唔知講嚟仲乜!
[林林回覆05/07/2013 16:12:57]算啦，佢擺明撬起你架啦
如果佢真係有心同你個仔一齊呀，佢早一日去都應該通知你啦
[版主回覆05/07/2013 16:02:31]如果佢洒晒冧都可以考慮下嘅! 不過大人大姐應該唔會囉!
[林林回覆05/07/2013 14:22:12]下次有咩筍嘢都唔好同佢講
[版主回覆05/07/2013 13:02:38]我真係興撚到今時今日都仲興緊呀!!!
原來件事係咁.....
回覆刪除