滕滕病左好耐, 又食左好耐藥, 見佢差唔多好番, 我地就去左花鼠到玩! 諗住去到成5:30應該唔會咁多人, 點不知呢, 多人多到痴左線囉~
專登唔約人食晚飯, 就係想襯住食晚飯時間, 諗住小d人架嘛, 但係都要去到成7:00 D人先開始走~
呢架所嘅電單車, 滕滕足足坐左成個鍾冇起過身! 其他有小朋友想坐, 佢都話叫人排隊! 排咩隊吖, 我知道佢跟本唔會起身, 因為佢話坐住嚟巡邏喎! 我見佢咁鐘意坐呢架車, 我都冇叫佢讓比人玩, 因為呢個場有成十幾架車大大細細可以揀, 所以我都自私左D, 冇出聲叫滕滕讓出嚟!
去襯呢D playtown, 我而家一定帶晒成套衫褲, 玩完同佢換過晒, 仲要抺晒d手手腳腳, 全身噴晒消毒火酒先去食嘢, 因為其實我都幾驚架~
玩完我地去左麥當當食嘢, 朋友話個飯卷幾好味, 咁我咪試下囉, 比左一啖滕滕食佢話好辣喎, 到我食時, 其係唔好食囉~! 點不知條友仔就話喇: 我都話架啦~ 你又唔信我! 我真係R晒頭囉, 我話: 你只係講好辣, 你又冇講過話唔好食, 咁你想我點信你呢?! 如果你話唔好食, 咁我就信你啫~!
見佢話個飯卷好辣, 咁我就比左個包佢食! 可能玩左好耐, 消耗左好多體力, 所以成個包食晒喎, 幾鬼叻仔! 見佢咁叻, 食完就比杯暖左嘅朱古力佢飲喇......點不知幾秒唔夠, 就成杯朱古力倒瀉晒落個身到囉~
結果要除左件衫, 齋著件風褸去搭車番屋企, 條友仔仲話, 咁咪唔開始拉開拉鏈囉, 如果唔係就比人見到個身體喎
滔滔都無波波池幾個月啦~ 就係驚多菌~ 公公婆婆都唔敢偷雞帶佢去玩。
回覆刪除[版主回覆06/06/2013 17:29:55]手足口, 好辛苦架 ><
[村姑 C 9 仔 *.*回覆06/05/2013 11:58:54]呢排好多手足口呀。你真係小心 d。梁小b都係去完呢d playtown 領左野。初時以為水痘, 點知係手足口。
[版主回覆06/04/2013 16:33:37]其實我都驚架, 所以咪帶晒衫褲去換, 換晒仲要噴晒消毒火酒囉!
咁細個就識保護自己身體，真係叻仔~~~
回覆刪除[林林回覆06/04/2013 17:12:45]唔小心同叻仔係有分別的...哈哈哈
[版主回覆06/04/2013 16:33:28]最慘就係成杯朱古力倒晒落身都唔叻呢~