完成得好辛苦~

一D創作細胞都冇嘅我, 叫我去做份勞作出嚟, 對我嚟講係極辛苦囉!!! 因為唔係強行要交, 所以舊年我已經炸炸弟弟唔去做架喇, 但係今年唔做唔得, 因為滕滕已經識得人有我冇呢樣嘢, 而我唔想覺佢得"點解自己會冇嘅"而唔開心, 所以我就"的"起心肝去做喇!

我最憎猜迷語, 因為我覺得我個腦並唔係要嚟諗埋D咁無謂嘅嘢, 所以呢份親子聖誕勞作, "抄人地" 呢樣嘢一定唔少得!

用左我14個廁紙筒, 專登去買左盒水彩, 用左我兩日時間去整左呢棵聖誕樹! 其實可以再整靚D, 可以係某D位貼番D金粉, 亦都可以係某D位加番小小吊飾, 但係奈何我真係好懶好唔想做囉!