我身痕, 無啦啦星期二唔知講開咩, 就問個工人呢個contract 完左續唔續約, 而工人嘅答案係"唔續"!
一個星期前我已經發夢夢見請左個新工人番嚟, 而個新工人玩嘢, 見工時就乜都識, 到嚟左就乜都唔識! 呢個夢, 可能就係一個預兆!
我其實都幾希望佢可以續約, 因為請過一個新嘅, 真係會死好多細胞, 而且最少起碼要大半年先可以磨合到, 而我呢個工人已經完成左就嚟第二份contract 先可以去到而家呢個位, 所以我嘅痛苦又會即將來臨!
我比左兩個好開心嘅favour個工人, 但係佢都心意已決, 所以如果估佢想轉第二個僱主嘅機會應該好微!
又或者可能係我, 佢見到我咁緊張又咁錫滕滕, 所以佢時不時都有同我講佢d仔女, 話好擔心佢地, 而當我叫佢幫多我兩年, 佢都話其實佢都好擔心如果佢走左的話, 因為佢怕唔知個新工人會點對滕滕, 而佢同滕滕嘅關係, 滕滕想點佢都知佢都明白! 咁既然咁擔心滕滕就不如留抵啦, 但係可惜佢更擔心自己嗰d! 我係媽咪嚟, 擔心仔女我都好明白, 所以既然個工人咁想番去見自己d仔女, 咁就番去囉~
.....我早知過左生日先嚟問啦, 攪到我乜mood都冇晒!!!
唉.... 要適應一個陌生人在家真係好難, 仲要係錫自己個仔既就難上加難。我果個9月同我續第3張約。仲有排做, 但我早排都忍唔住再問佢完約會唔會再續。佢本來話唔續, 要返去睇仔。不過, 我話到時滔滔 9月升小1, 又要換工人, 對滔滔來說是BIG CHANGE, 叫佢再諗下。
回覆刪除咁佢諗左一輪, 就話為左滔滔既學業, 佢留多一年到滔滔7歲。不過時間尚早, 唔知真定假。
佢地真係講唔埋, 話唔做就唔做, 話想做就想做! 不過, 如果佢真係好卦住d仔女, 好似我嗰個咁, 就真係好難留.....
刪除之前同滔滔姐姐去街, 行過間珠寶店, 我話滔滔大個賺到錢, 記得買鑽石比我。滔滔第一個反應係, "我買一個比你, 買多個比姐姐!" 開心到姐姐死死下。抵姐姐咁錫佢!
回覆刪除所以我都希望你姐姐真係會為左滔滔肯留多一兩年啦, 要小朋友咁細個就要面對別離, 其實真係好大挑戰嚟!
刪除