都真係幾辛苦!

舊年聖誕節同梓祐bbq過之後, 就已經冇再去, 而今日就係生左嘅第一次!

原來同滕滕去bbq都係一件幾辛苦嘅事, 因為佢覺得好新奇, 好得意, 但係又好唔舒服, 因為佢見到燒烤場好多人, 係到望完又望, 又望d燈, 又望d人, 望到我d朋友實一實, 究竟你係乜水嚟, 見到d火係到郁下郁下, 就望住唔眨眼, 一時又想落地, 一時又好似想摸.......滕滕, 火火嚟, 唔摸得架!!!

完本9點幾已經好眼瞓嘅佢, 幾經爭扎, 差幾次就已經進入睡眠狀態, 一放佢落bb車, 佢就醒左喇!  滕滕, 好心你瞓下覺啦, 平時係街到, 你係bb車都照瞓架, 仲咩你今日寧捨醒神架!

到左10:30食奶時間, 食完咁济都差唔多瞓著, 一放落bb車......唉! 又眼光光! 我已經用張帔擋住你, 等成架bb黑蚊蚊架啦, 你都仲係唔瞓, 你好high咩???!!!

所以到左11:15, 我就真係唔想滕滕咁夜先瞓, 所以我同個工人走先! 一番到去, 同佢抺完手, 面, 腳, 換埋睡衣, 3分鐘唔使, 佢就已經瞓左喇!

你個曵軒豬, 出左街你就死都唔肯瞓, 瞓一陣都好吖, 如果唔係, 第日點帶你去蒲呀?! 

p.s. 今日滕滕著左我買比佢嗰對新鞋仔, 因為真係唔想佢腳 fing fing, 不過當佢去到燒烤場醒左嗰時, 發現自己對腳有對鞋時, 佢好似好唔鐘意有嘢cool住咁, 死都要扯甩佢!