唔通蘇民峰真係咁準....?

尋日去個舊同事到飲, 見到舊大老闆(真係最大嗰個), 同佢打左聲招呼, 就去搵位坐啦!

因為以前係 main showroom做, 個大老闆好多時都會入嚟睇下 d display同埋d 新product反應好唔好, 有冇問題, 所以我做左咁多年, 又上過去廠做過嘢, 佢雖然唔記得我個名, 但係都認得我! 

飲完, 因為有個舊同事去買煙, 所以我同另外一個, 就企左近停車場門口等, 係呢個時候, 又見到呢個舊大老闆喇!

以我咁嘅性格(人人都話我好吹得水, 咁當然唔係誇張嗰隻啦, 只不過係健談, 係人都可以有話題講到啫), 我當然就再同佢打多聲招呼啦, 順便恭喜佢老婆有左啦!

就係因為講左呢句嘢, 佢就問我啱唔啱路, 可以順便車埋我地番屋企!

哈哈, 我知佢係小欖買左橦7千幾萬嘅別墅, 所以我知佢應該係同我同路嘅......, 雖然我把口就話唔好喇, 唔好意思嘅, 但係個心都不知幾想, 因為係尖東飲, 要去佐敦道我先有車番屋企架, 所以佢再講: "唔怕, 順路啫!" 咁我就話好啦, 唔該晒呀, 咁就上左車喇 ! 真係諗都冇諗過, 一個上市公司主席嘅大老闆會車我番屋企, 所以上次鑼咁大個肚, 去佢個wedding party 到飲就真係冇錯!!!

今年, 蘇民峰本書講過, 我未來一年, 人緣好, 又有桃花, 有桃花, 係人地對我嘅印象, 就一定係好, 要見客就必然更好!

所以.......唔通未過年, 先入秋就已經嚟料, 因為我而家份工作, 係要接觸客人, 所以要有桃花, 對我嘅事業先有幫助, 如果係咁就好喇, 今年花紅就..........哇哈哈哈哈!!!