今朝, 真係十萬個唔想起身, 因為尋日去飲, 我著左對3寸有多嘅高跟鞋, 而且又比個舊同事點左我地行左一個大圈, 所以瞓左一覺, 對腳都仲未係似我自己, 所以係多番爭扎之前, 都要起身啦, 唔通真係唔使做咩!
下午食完飯, 係公司做左一陣嘢之後, 我煮左d飯攞左去醫院探我朋友, 探完番番去公司, 都成6點, 再做多陣嘢就諗住走, 點不知我老闆話去食飯喎! 食飯?! 我已經好鬼攰架啦, 真係唔係好想去, 所以我就同我老闆講, 唔食得唔得架, 我好攰好眼瞓呀! 跟住我老闆就同我講: "我打左番屋企話唔番去食喇!" 吓! 唔係嘛, 咁即係迫我啫!
食完飯番到去都已經10:15, 滕滕都已經要食奶, 所以........我又餵唔到佢喇, 只有係佢食完之後, 抱住佢落格嗰一陣, 就真係抱左嗰一陣囉 
軒軒, 媽咪呢幾日好忙呀, 番到嚟, 你又瞓左, 所以唯有係你個床頭索左你d味幾下, 當係補償左喇! 有陣時, 真係好矛盾, 因為為左你, 又唔可以放棄工作, 但係放棄工作, 就冇錢! 咁點..........
冇辦法啦~只好放假陪佢多d囉~佢會明白的~
回覆刪除[版主回覆10/16/2009 16:10:00]要佢第日大個先會明囉!
下次...抱住佢瞓...
回覆刪除[版主回覆10/16/2009 16:14:00]唔抱啦, 其實我自己都好驚架, 抱得一次, 會有第二次, 之後就甩唔到身架喇!
所以做人好矛盾架, 好似我而家, 湊得佢都幾好, 夜晚飲完奶, 佢又自己瞓, 又唔會半夜起身嘈, 但係就係因為咁, 又想佢有時可唔可以唔好咁呢, 起下身, 嘈下都好吖, 第時講下D回憶, 都可以講下有D辛酸吖!
你呢啲咪叫攞苦黎辛囉
回覆刪除[版主回覆10/17/2009 12:29:00]我都想攞下, 但係佢咁"咩", 想攞都冇得攞 !
不過有時D嘢好邪, 可能下一個湊都死都話唔定.......