今日滕滕好反覆, 一時就熱d, 一時就冇咁熱, 所以我今日總共同佢沖左3次涼同佢降溫!
點解食左幾次藥都係咁嘅? 乜唔係食左幾次應該好番d嘅咩?!
今日滕滕豬成日都要抱, 佢瞓冧左, 放番落去床仔, 佢就即刻醒喇, 跟本就唔比我放底, 好似以前梓祐咁..........
梓祐, 好耐冇見你, 好卦住你呀! 而家我覺得我地個距離好似遠左, 唔知係唔係因為你真係好怕個"乞e", 所以連見我都唔敢, 定係我係你心目中已經冇地位呢?!
我之前咁錫你, 從來都冇諗過你要回報d咩比我, 只係想係你心中有我, 但係.......而家我真係feel 唔到, 好傷心......好失望..........
發燒有冇看醫生呀???係唔係出teeth所以發燒呀?
回覆刪除[版主回覆10/28/2009 12:51:00]佢之前已經出左牙仔架喇, 所以唔關出牙事!
dr話過左6個月d免疫力會慢慢減低, 所以佢今次發下燒都好架, 等佢增加番d抵抗力嘛!
會唔會你太耐無見過梓祐，所以對你生疏咗咋?!你無時間去見佢，咁每日打電話比佢都得吖。
回覆刪除[版主回覆10/28/2009 13:01:00]都可能係因為唔係成日見囉, 不過呢個衰豬, 連見我都怕比佢老豆同個"乞e"知, 所以有時星期六叫佢出嚟飲茶, 佢都唔出!
我有時都有打比佢, 不過因為佢習慣左係個電話到十問九唔應, 所以我都唔係成日打去搵佢; 再加上佢而家升中, 我怕佢功課會忙..........不過, 我之前聽個收音機講過, 一個小朋友, 如果係3歲之前失去父愛或者母愛, 咁個小朋友嘅性情就會比較冷漠, 冇乜人情味同埋唔會去關心別人! 咁, 梓祐就真係有晒呢d特質, 所以.......... ........唉!
bb病作為父母是最擔心的,何況你十分疼愛軒軒,心當然痛啦!
回覆刪除[版主回覆10/28/2009 16:41:00]其實個心都唔係好痛, 因為佢一直都冇發過燒, 我就有小小擔心, 因為小朋友小病是福, 可以有多d抵抗力!
BB好返未呀?
回覆刪除[版主回覆10/29/2009 12:26:00]冇發燒, 不過就出假疹, 我今晚番去會post d 相出嚟, 因為成塊面已經都係, 好陰公, 因為好痕! 發燒我都未肉痛, 但係見到佢出疹, 就真係好肉痛!
你要幫佢帶手套仔呀，如果唔係抓到成塊瞼仔損晒架喇
回覆刪除[版主回覆10/29/2009 14:37:00]冇呀, 因為佢而家識得除, 所以帶嚟都冇用!