反眼的生日飯!

今日食飯做節+慶祝埋亞媽生日, 因為亞媽係舊曆八月十一生日, 咁因為而家大家都好多嘢做、好忙, 所以一次過攪埋佢.....不過, 今次食飯就真係好反眼囉!

做人真係難, 因為亞媽食齋, 所以慶祝佢生日就更係去齋鋪啦, 不過我老豆就話做節, 就更係唔好去齋鋪! 唉,你話, 順得哥情就失嫂意!  雖然亞媽本身係煩(已經去到1000%), 不過佢係我地心目中嘅地位, 跟本同我老豆冇得比, 所以就去左齋鋪喇!

我老豆係一個酒人, 冇酒不歡, 尤其係夜晚餐飯, 都一家要飲番兩杯先開心同安落, 所以亞媽就預備左個樽, 裝左小小酒去齋鋪比老豆飲, 不過, 今次就比人發現左, 同佢講, 齋鋪係唔飲得酒!  唉!!!!!! 好心個經理講嘢就醒d啦, 有d人係唔鐘意講嘢咁唔客氣架, 尤係你係做食市, 個客人幾唔啱, 都唔可以咁無禮貌同佢講, 話呢到唔飲得酒啦! 

雖然, 我老豆都有唔啱, 但係, 佢食親飯都要飲酒, 咁我覺得佢都知係唔可以飲, 所以都好低調啦!  咁係唔係可以算呢!  跟住, 我老豆話唔食, 話要走喎!  不過, 最終都冇!

因為今日係八月十五, 所以間齋鋪就一早已經講左, 8:30要交枱, 不過佢話8:30啫, 有陣時遲小小都會卦!  所以我見8:15, 咁咪叫個伙計攞個cake出嚟切囉, 攞左出嚟之後, 亞媽二話不說, 就切晒佢, 仲切到個cake鬼死咁核突!!!   oh, my god!!! 亞媽, 你仲咩事呀, 歌又未唱, 蠟燭又未點, 你就求其切左個cake佢!!!

亞媽話, 怕比人話喎, 因為已經8:30左!!! 哎呀, 人地都見到你食晒嘢啦, 都知你就嚟走, 唔通佢鬧你, 點解仲未比番張枱佢咩!!!

呢個生日飯, 就係係呢個咁無論嘅環境下食完........係唔開心囉!!!