睇下幾時再爛~

由滕滕開始識行時, 屋企d嘢就已經不停咁壞啦, 爛啦! 到到今時今日都成四歲, 叫極都唔可以好好咁愛惜d嘢! 究竟係唔識點樣去愛惜吖, 定係個人本身粗魯呢???

係十幾年前, 我買左個cam番嚟, 係可以當電腦嗰d眼, 又可以當相機用, 因為嗰時先開始有digital camera, 但係都仲係好貴, 所以買個平平地番嚟玩下! 而係今年嘅某一日開始, 滕滕就嗰住呢個假嘅digital cam係屋企扮影相, 而且成日出街都話要帶出去(扮影), 所以我就係公司搵左部舊canon比佢用喇!

佢就更係開心啦, 有部真相機比佢玩喎, 所以佢成日都話要帶出街!

不過, 好境不常, 玩左兩個月就壞左喇! 而我, 今日就常試係公司拆開部相機嚟睇, 點不知原來一部相機係好複雜架!!!

我拆開一層, 就發現原來每一層都有鏍絲, 所以我拆拆下, 我投降喇~~~

又好彩, 朋友搵到部sony比我, 個鏡頭不能申縮嘅, 所以希望可以玩耐d啦!