新偉論~

星期四放工番嚟, 滕滕無啦啦同我講: 媽咪, 你以後唔好買車比我喇, 我唔想嘥晒你d錢呀!

咁益我, 當真唔當真呀??? 滕滕無啦啦有日咁突然同我講, 我就知道嗰日係學校老師應該咁樣教過佢!

其實我都好縱滕滕, 成日不停咁買嘢比佢, 攪到佢有時我一入屋, 佢見到無啦啦我帶多左個袋番嚟時, 佢好似知道一定有禮物係佢嘅咁!

我聽到滕滕話唔要車, 我就即刻同佢講: 咁我啱啱又買左車比你喎, 不過未到公司, 咁即係如果到左可以唔洗送比你啦!

嘩~ 當堂叮左一聲咁, 雙眼已經放光喇! 跟住滕滕就問我係唔係真係買左車比佢喎! 我話買左就邊有假嘅呢, 不過, 條件就係要佢唔再搣到d手指皮爛晒, 咁先可以有禮物囉!

聽到有車嗰, 滕滕番偉論就好似已經唔記得左咁lu~