7月去完越南旅行, 但係好似過左好耐咁, 都唔覺去完幾個月, 所以想襯住未係太凍, 我就想去長隆2日1夜~
我亞媽一聽到, 就已經睇月曆, 而我老豆就好似不在乎咁! 亞媽即時睇月曆, 但係把口就講話唔去都得, 唔想我地洗咁多錢, 但係我話老公想奶奶一齊去呢, 亞媽就即刻講, 佢帶埋亞媽去, 你覺得我地唔去好似蝕左咩! 哈哈~ 亞媽, 你又真係幾了解我喎! 因為如果你地唔去, 邊有人可以幫我平衡番個心理呀! 如果要我對住奶奶2日, 我相信我會爆血管囉!
老豆聽到我咁講, 佢就即時話叫我唔好咁衰喎! 不過, 佢又講佢其實都唔係好想見到我奶奶, 佢話, 因為佢太縱滕滕, 佢怕佢抵唔住頸會o趙滕滕時, 得罪我奶奶啦~
哦~ 我而家知道, 原來唔止我一個對住我奶奶反眼, 原來我老豆都係架! 即係唔係我問題啦~ 呵呵!
咁你老公有無反眼?
回覆刪除我朋友間唔中就帶D仔女去長隆玩。應該都好岩小朋友去。
滔滔申請左張回鄉証, 幾個月都未去取, 星期日真係要去攪返張証先。
我老公唔會係我面前表露反佢媽眼架, 因為佢好維護佢媽架! 不過我心知, 佢應該都反反地~
刪除我老公縱使反反地, 但係佢係好想佢媽一齊去架! 因為我地大家都明白, 老人家好多時都攪到我地反眼, 不過反完過後就冇嘢架喇!
刪除我 99 反眼程度爆燈, 我老公同我老公細佬都爆佢樽 ga!
回覆刪除唔知你奶奶咩事令到你地反眼想爆佢樽, 但係我奶奶就係一個無知,冇機心, 百般遷就嘅一個老人家! 聽落去佢應該係好好, 但係就係因為佢唔用腦, 所以好多事做左出嚟令到我反爆眼! 就係因為佢百般遷就, 所以好多嘢都客氣過頭, 令到你覺得好煩!
刪除我99同你99相反。事事扮勁, 實係豬頭丙自己都唔知。仲要話返你轉頭。不過近年開始其他D親戚都開始爆佢樽先收歛 D。不過仍然LIKE 在我阿爸阿媽前扮勁。不知所謂。
回覆刪除好彩佢唔痴家。唔係對得佢多我都爆佢樽。
事事扮勁, 實係豬頭丙自己都唔知 <----叫你老公點醒下佢嘛! 如果係我老母, 我一早話佢, 仲要無時無刻都會串佢, 直到串爆佢為止!
刪除