Order~

唔知幾時開始, 我係自己屋企所講嘅嘢, 就好似人人都會聽我講! 例如亞爸亞媽生日食飯、做節, 去邊到食or 幾時食, 佢地都會比我去話事!  冇人會反對, 係我有時問下佢地鐘意食咩時比下意見我~ 慢慢咁樣, 好自然咁我以後都好似做晒主導!

可能就係因為冇人會reject 我, 所以我講嘢會冇大冇細, 會好直接講我老豆同亞媽嘅不事! 如果要講到"尊重"呢個位, 就一定冇囉!

我嘅行為, 好多時都直接影響到滕滕, 滕滕而家d語氣好多時其實同我一樣, 好直接咁去- order 你!

星期日番屋企食飯, 老豆買左3斤蟹, d蟹殼太硬, 就連鉗我都唔夠力鉗爆, 於是乎我遞左比細佬叫佢幫我! 食完第一隻蟹鉗, 第二隻蟹鉗d殼又係咁硬喎, 我常試左自己去鉗爆之際, 我整到食手, 而且仲流血潻! 係呢個moment, 我個大佬滕滕出手喇, 佢一手搶左我隻蟹鉗, 仲同我講: 你唔夠力就比舅父幫你啦! 而家仲整到流血潻!

滕滕已經唔係第一次order 我架喇! 上次星期日佢老豆番完通宵番嚟, 我同佢去只買一盒飯食, 已經話我仲乜唔買埋比爸b, 要我以後一定要記住買埋佢嗰份, 如果唔係佢起身就冇得食喇!

其實比人order 仲感覺原來好幸福架(如果我係願意的話)~