其實每一日同滕滕對功課, 我都會問佢今日寫呢個字點讀, 次次問佢, 10個有9個都唔記得! 我一向都冇同滕滕溫書, 因為我覺得一星期老師教幾個字, 而呢幾個字成個星期裏面咁不停repeat, 所以我覺得遲早都識, 但係, 老師打得電話嚟比我, 即係代表頂佢唔順啦, 所以即係要開始同佢讀多d中文字囉~
中文字咁多筆畫咁深, 我覺得真係又幾難囉, 我諗嚟諗去都冇頭緒去點幫滕滕加深記憶, 唯有同滕滕講叫佢努力d啦, 如果星期六&日都記得, 咁我就送一架反斗車比佢啦!
原來, 車-呢樣嘢真係好得架, 講完話送車, 當堂10個字就已經記得7個喇! 我一記得就問一次滕滕, 星期六問完到夜晚, 就只有個"早"字要諗好耐! 到左星期日就連個"早"字都ok埋!
為左加強訓練, 老師派嘅字卡, 我就全部帶晒番公司scan 晒落去電腦到跟手過埋到手機到, 可以方便係街時比佢睇下!
話處女座要求高, 其實人馬座嘅我都唔差得去邊, 樣樣嘢我都要求希望可以盡善盡美, 盡量KEEP到就KEEP, 做到就做, 所以有時我真係好無謂嘅嘢我都會去做, 為求就係可以最靚! 我, 因為唔想d字卡咁快殘, 我就無聊到搵膠紙幫d紙卡過埋膠!
我希望可以一日同佢睇一次, 唔需要刻意去記, 希望比佢睇多兩眼去加強記憶啦~
我之前都有用 EXCEL 幫滔滔整字卡, 不過無圖的。你可以每個字作個故仔/得意野去解釋比佢聽。E.G. 鼻字, 我話字底果兩條係鼻涕, 由兩個鼻隆噴出來。佢就笑到傻左, 講一次佢就一直記住, 無錯過。
回覆刪除我都有試過類似嘅解釋, eg, 我話個人字, 就好似個人企左係到, 而個大字就好似我地打開雙手話好大咁! 但係, 佢都係好似唔多記得! but, 只有一講有車送比佢, 佢兩日就記得晒! 頂~
刪除真係字字值千金呀!!
回覆刪除