我份人就好賤格, 聽到奶奶唔去得就有小小開心, 但係又覺得有D周身唔自在, 真係好想打爆自己!
好辛苦咁坐左成4個鐘shuttle bus, 終於都到酒店喇! D人一落車就急步咁入去酒店, 我知, 佢地想快D去攞房, 等check-in時唔洗排隊等咁耐嘛! 我, 唔介意等, 因為如果一陣冇晒房時, 佢up-grade比我咁就好喇!
哈哈~ 果然不出我所料, 我要求嘅一張大床同埋鄰房相連就真係冇晒喎, 所以好自然就up-grade左比我地喇! 有好有唔好啦, 因為佢話升級房係比較遠小小, 要行幾分鐘喎!
因為真係唔識路, 所以行左兩步就見到有個staff 揸住架電平車就載住佢嚟問, 點不知個哥哥仔好好人話車我地去喇!
一問之下, 原來呢d電平車係專係接載我地呢d升級貴賓架喎!
長隆酒店雖然係貴小小, 但係去到就覺得真係好靚囉, 貴小小都值!
我買左飛夜晚睇大馬戲, 所以check-in攞左房卡之後就去食嘢, 食完嘢係房抖一陣沖番個涼就出發喇!
我地叫左電平車嚟接我地出去酒店大堂, 點不知落車行左幾步之後, 我發現我漏左個手袋係架電平車到!!! 我跑! 跑! 跑! 跑去大堂門口同d staff講, 叫佢地call番架電平車搵番我個手袋! 我所有証件同錢都係晒個手袋到, 唔見左, 我同滕滕14日要留係大陸!!!
大酒店可能各方面配套都真係好d, 大堂門口d staff即刻同我call上去我住嗰到嘅9号樓, 而9号樓嘅receiption 即刻call番個司機! 好彩~ 個袋仲係架車到! 不過睇大馬戲嗰兩個半鐘, 我個胃因為剛剛嘅刺激, 足足痛足咁耐!
今次大馬戲, 老豆話少左動物表演, 反而多左真人高難度表演! 因為多左真人show 睇, 滕滕就問我, 點解D女人個個都唔著褲喎! wahahahahaaaa...........
第二朝食完早餐, 就去動物園喇! 呢個動物園就真係大到冇朋友, 因為分開兩PART, 一PART係D好似我地以前荔園咁, D動物係一個固定嘅area 到, 而呢一PART, 就係d動物可以四圍走, 而我地只可以坐係架車到唔準郁! 即刻分分鐘比人圍係我地, 唔係d動物!
因為我地係南門落車, 所以又每人比$10就又叫架電平車由南門車去北門! 而司機哥哥又好好人喎, 佢揸慢d話比我地遊覽下喎! 淨係呢邊, 我估計都可以行足一日都未行晒呀, 真係大到呢~
到左北門, d人多到不得了, 都等左幾架車先上到!
除左d有攻擊性嘅動物係有條渠隔開之外, 其他嗰d都算係唔太遠! 沿途唔准落車, 感覺就係我地入去比d動物睇咁!
雖然唔多洗行, 但係遊完動物園其實都攰攰地, 所以食完個lunch之後就番酒店"灘"番一陣沖多個涼就走lu~
滕滕好唔捨得走, 佢話好鐘意間酒店喎! 唔止係你, 我都唔想走, 不過唔得呢, 遲d再玩過啦!
係要照顧老幼，應該揹個斜揹袋嘛
回覆刪除另外，而家係大陸唔見証件，可以即日補回臨時証，唔洗等14日架喇
我嗰個係兩用袋嚟, 嗰時冇斜揹住, 係因為要除出嚟攞件褸比滕滕, 就係咁, 所以就瀨抵左佢係架電平車到喇~
刪除哈哈~ 咁好玩, 我都 plan 3 月份去長隆玩1轉。我上星期日問中旅,呢段時間住長隆酒店每人大概 hk$1000, 係咪呢? 我諗 3 月都唔係旺季, 應該差唔多卦?
回覆刪除你可以上中旅條link到睇自由行嗰到, 有晒價錢show 晒出嚟! 我地一家三口+車費+(是但)一種入場門票就total hkd2,570!
刪除如果揀搭船去, 可能就冇屈係架車到咁辛苦, 但係d時間跟佢就要(起碼)早成大半個鐘前到碼頭等(因為怕塞車)! 而如果揀搭shuttle bus, 就要坐成4個鐘先到, 因為係番禺有2個中途站會停比人上落! 又或者如果你自己識搭車去, 就自己去, 齋book酒店就最好!
同埋, 我地申請delay check-out 到 2 點, 可以朝早去埋動物園, 食埋個lunch, 再番房執嘢先走, 咁 2:30嘅開車時間就剛剛好喇!
唔該晒。今次可能叫埋公公婆婆淇淇表姐一家同埋姐姐, 度一度先。我個人想坐船。當埋節目之一。
回覆刪除