尋日因為姨甥仔個嫲嫲過嚟坐, 所以滕滕冇瞓到晏覺, 佢走左之後, 我地就去左沙灘玩喇!
玩到都差不多6點先走! 開心就好開心喇, 不過番到屋企食飯時就真係開始又把幾火呢!
呢條友仔可能因為冇瞓晏覺係到扭計, 氹佢食完碗飯就食雪糕啦, 點不知佢死都唔肯食飯就話要食雪糕喎, 仲連食左嘅飯都嘔番晒出嚟! 好, 咁既然係咁, 雪糕都唔好食喇, 即刻趕佢去瞓!
又可能因為奶奶講電話講得好大聲, 滕滕瞓左一陣就比佢嘈醒, 係到大喊! 唉~!!!
到左今朝四點幾, 滕滕叫醒我同我講佢肚痛, 要去廁所, 一去, 原來佢攪肚痛!
如常7點幾叫醒佢, 睇下佢有冇咩事啦, 點不知佢同我講: "媽me, 我好攰呀!"
見到佢成個人好似冇晒力咁, 咁今日就唔比佢番學喇!
點不知再瞓, 瞓到1255都仲係.......
幾怕佢唔知係唔係唔舒服呀, 所以耐唔耐我就摸下佢睇下佢係唔係發燒, 好彩, 過左一陣佢醒喇, 一醒左第一時間同我講: 媽me, 我冇事喇, 好精神晒喇!
哈哈，掛住玩唔瞓晏覺~
回覆刪除[版主回覆05/28/2012 12:24:28]都係呀, 好似我咁, 就唔使再有得玩喇~
[林林回覆05/28/2012 12:18:11]而家唔玩待幾時呀?
[版主回覆05/25/2012 23:29:55]我係到時, 佢成日都係咁架! 一味卦住玩~
真係攰到嘔 wor ~
回覆刪除[版主回覆05/25/2012 23:29:32]你知啦, 瞓極都唔醒, 真係怕佢地唔舒服架嘛~
聽到你講形容你個囝,我真係一邊睇一邊笑呀!你個滕滕真係好得意呀!有時小朋友體力太透支會係咁樣嘅,有時我個囝都好似滕滕咁!
回覆刪除[版主回覆05/30/2012 11:49:45]叫佢去瞓佢又唔去, 去到盡左就攰到嘔! 真係想柄囉!
係呀, 我已經燒左幾次d 碟比你架喇, 不過燒左之後play番嚟睇, 全部都係slow moting, R到我頭都爆埋; 而家, 我問緊人有冇d咩software係可以整到出嚟而唔會係咁(因為之前唔係咁)! 唉, 我都唔知究竟係個writer有事定係個software有事!
咁煩,你就咪搞啦!由得佢啦!依家啲碟無以前的咁好燒,成日都有啲程式阻住!
回覆刪除[版主回覆05/31/2012 12:11:18]我答應左你架嘛, 等我再整多幾次啦! 如果唔係, 下次邊有面目去見你呀!