因為以為個工人今晚番, 所以今日我又再同滕滕講姐姐今晚番嚟喇! 早幾日佢都話卦住姐姐, 但係今日同佢講, 佢就話叫姐姐唔好番嚟, 佢想我湊佢!
今晚, 都係八點半啫, 佢就係咁話好眼瞓, 死都要我陪佢瞓, 涼又唔比我沖, 碗又唔比我洗, 瞓係張床到又唔瞓, 目的就係唔比我走! 我等左半個鐘佢都唔瞓, 結果我忍唔住話唔理佢, 衝入去沖涼喇! 點不知我沖沖下, 佢就喊住出嚟喇, 同我講, 佢好驚喎!
真係笑到我肚痛囉, 好驚??? 有幾驚呀??? 好啦, 既然咁驚, 我叫佢睇住我沖涼囉! 又沖沖下之際, 我又同佢講, 不如你開電視睇住嚟等我啦, 佢OK喎, 跟住就行左出去喇! 不過, 行左兩三步, 突然又大喊喇! 咁我又問佢咩事啦, 佢行番入廁所同我講, 佢又好驚喎! 其實我都明白, 佢好想好想我以後湊佢囉, 所以佢今晚唔比我沖涼又唔比我洗碗, 我行去沖涼佢又喊, 死都要黐實我, 因為佢真係想成日都可以黐實我囉.......
講真, 我都好想黐實你, 但係, 我要番工搵錢嘛, 所以你乖啦, 我放假就一定會陪你架!
今朝我個先都唔比我出門口返工 ~
回覆刪除生左個仔, 我地個心就比左佢地, 佢想黐住我時, 我又成日都想黐住佢 ~
姐姐返 o黎, ok 嗎?
[版主回覆05/25/2012 23:27:49]姐姐番左嚟, 都算OK, 不過條友仔就極之不願意見到姐姐, 今日未番學就已經乜都唔聽姐姐講, 放左學一番嚟, 就已經喊住入門口講: 我要卦住媽ME呀, 我唔卦住你(姐姐), 唔要你呀!
係咪因為得佢一個人，所以好驚
回覆刪除[版主回覆05/29/2012 14:21:45]平時夜晚上左床一陣, 我會話急cc要去廁所, 而叫佢自己一個人瞓, 都係熄晒燈, 佢都唔驚! 不過, 嗰日, 我估佢因為知道姐姐就嚟番嚟, 唔想我離開佢, 所以佢心理上開始不安, 就猛咁話好驚!
有媽媽的疼愛總好過工人姐姐的疼愛嘅,所以咪痴到你暈囉!我每日都承受咁呀!不過小朋友真係有好多趣事架!雖然有煩的時候,但係快樂的時候也不少架!
回覆刪除[版主回覆05/30/2012 11:59:15]咁就更係啦, 姐姐, 佢只係負責照顧啫, 邊到有咁多歡樂可以帶比佢吖! 做亞媽, 就更係想自己仔女有安穩生活之餘仲要有開心啦!