今朝1516, 唔知去唔去廸廸尼好, 因為見到成個天都係雲, 就已經即刻問"點解尋晚個天咁藍咁黑, 今日唔通真係唔好天咩???"
見到落下雨又停下雨, 又見唔係好大雨, 咁就決定出門口喇!
一去到廸廸尼就剛好開始有巡遊喇, 幾好呀! 同埋好彩去到廸廸尼只係出左一陣勁太陽, 跟住成DAY都係小陰天! 可能個天今次唔想我好似上次咁水皮又暈又嘔啦!
好開心今次係廸廸尼真係撞到滔滔呀, 滔滔一D都唔怕羞, 好可愛, 不過可惜因為我地啱啱玩完出嚟, 而佢地就啱啱要入去, 如果唔係, 我一定會影番張相留念下啫!
下午三點幾開始到, 一路玩, 滕滕都冇話攰, 又冇叫我抱, 只係有時扭下計, 話比我知佢大肶嗰兩粒大蚊癱好痕好痕, 其餘時間都同我一樣並臂作戰, 真係幾鬼勁吓!
今次我醒啦, 因為今次我識玩喇, 玩一個冇冷氣嘅, 跟住就玩一個有冷氣嘅, 輪住有冷氣冇冷氣有冷氣冇冷氣, 咁就唔使好似上次咁啦! 同埋, 今日過左中午最熱嘅時候先去, 咁就唔怕晒到暈啦!
起初我個心都諗, 都唔知頂唔頂到八點鐘睇埋煙花就走, 因為自己都有d攰, 但係點不知問隻豬仔攰唔攰, 佢居然答我唔攰喎! 既然係咁, 我地就去食個micky泡夫, 行下小鎮大街, 咁就好快到八點鐘喇!
煙花, 滕滕都係第一次睇, 但係我估唔到佢睇左兩分鐘到, 佢就同我講: "媽me, ok喇, 睇完喇, 可以走喇!" 因為佢同我講, 佢想去買車多d喎!
攪錯! 等左咁耐, 仲要揹你隻重豬係我駁頭上面, 都係想你睇煙花睇得開心d, 你居然同我講ok喇, 睇完喇, 可以走喇! 真係比你吹脹囉!
走時, 其實都feel到滕滕開始都攰啦, 點不知佢番屋企途中都冇瞓覺, 真係唔比個勁佢都唔得! 到番到去, 又再玩多陣, 十點幾一上床, 都唔使一分鐘就已經瞓著左喇~!
今趙你一個人同佢去? or 同老公呀? 益或奶奶呢???
回覆刪除[版主回覆05/28/2012 12:29:35]係走時, 就係有個大小小嘅女仔係到扭計, 由欣澳大喊到青衣(連等車都成10分鐘), 係青衣落車都冇收過聲!
[Chris回覆05/28/2012 12:09:11]咁又係喎. 佢無拉拉唔肯行, 要你抱都屎伙啦.
軒軒好叻叻呀
[版主回覆05/28/2012 10:39:39]我老公要番工, 我單拖一個帶軒軒去咋, 幾勁呀! 所以佢冇扭我抱我已經好開心喇!
你個仔愈來愈似你老公個樣
回覆刪除[版主回覆05/28/2012 10:38:02]唔係呀嘛~~~
真係橋呀!! 真係撞到 wor!
回覆刪除滕滕個肥面面好得意 ^^ 好乖仔^^
滔滔唔怕羞 ga, 見到其他小朋友就走埋去想一齊玩。覺得佢有 d 可憐。不過, 無計, 老啦! 生 1 個夠晒數啦。
[版主回覆05/29/2012 14:17:26]你支持我都冇用, 我老公唔肯! 我呀, 愛心爆棚架, 生多幾多個都可以架!
[村姑 C 9 仔 *.*回覆05/29/2012 13:13:57]我自己餚底, 不過, 我支持你!! 真係多個伴好好多 :)
[版主回覆05/29/2012 12:15:45]唔使早幾年.............而家我都仲想!!!
[村姑 C 9 仔 *.*回覆05/29/2012 10:55:12]如果早多幾年, 我實生多個。
[版主回覆05/28/2012 23:39:12]生一個又係要養, 兩個都係要養, 可能生多個執番大嗰個D嘢仲SO 呀! 再講吖, 要計, 生一個都大獲架, 咁橫掂都係喇, 早D辛苦左佢, 老左就開心D囉(如果生性的話)!
我老公都係同你一樣咁諗所以先話唔再生, 不過, 而家不經不覺都生左3年啦, D錢咪又係要洗就洗, 雖然係多左洗費, 但係都好似幾好咁咪過左囉!
[村姑 C 9 仔 *.*回覆05/28/2012 23:25:27]依家經濟唔好, 唔知仲可以賺幾多年錢, 好怕生個件負擔唔起呀 ma。
[版主回覆05/28/2012 14:30:07]人老心不老嘛, 同埋, 你都唔講得係老啦, 而家三十幾先係適生年齡啦! 如果可以, 我都想生多個, 不過, 我老公唔想喇!
滕滕戰鬥力好強勁!
回覆刪除[版主回覆05/29/2012 12:12:17]如果唔係下午去, 就可以喇!