使唔使講咁多次先~!

上個星期某天中午, 因為老公同奶奶都係到, 所以我唔去接滕滕放學(其實都係係樓下等校巴嚟啫)!

點不知, 滕滕問左我幾日: 仲咩你唔嚟接我放學啫~?

我答佢, 因為爸B係到, 嫲嫲又係到, 咁我要煮飯你放學番嚟食, 咁我咪唔去囉!

今日星期一, 朝早如常起身帶滕滕去搭校巴, 出奇地乖喎, 當以為開心之際, 佢又問我: "你同我一斉去搭VAN VAN啦!" 我答佢: "大人唔可以搭校巴VAN VAN架, 你乖, 我而家都湊你去番學啦!" 話說完, 佢就好嗲咁咋喊, 跟住講: "唔好啦~ 你可唔可以同我一斉去搭VAN VAN 啫~! 你仲咩唔嚟接我放學啫~!"

安撫左滕滕之後, 真係要出門口喇, 係到等LIFT時, 佢又同我講: "我再問多你一次, 你同我一斉去搭VAN VAN 啦~!"