上兩個星期, 同d同學見面打下麻雀, 係閑談之間, 我話如果平時放工之後, 如果我出街食飯, 我就會好有罪惡感, 因為覺得自己就走左去街, 剩抵滕滕一個同個工人一斉係屋企! 可能, 因為老公 on-shift唔會成日係屋企到, 所以就係因為咁, 就覺得好似對唔住個仔, 自己就出左去開心!
同學聽到我咁講就好似好surprise(雖然佢有個女都係咁話), 因為第一睇我個樣唔似啦, 第二, 佢話其實我使唔使咁樣喎!
尋日, 同滕滕同學去游水, 咁同同學媽咪閑談之間就問我: 滕滕黐唔黐我?! 佢咁問, 我有小小R頭, 因為佢話好多時有工人就會黐個工人!
其實我唔係好明, 乜小朋友唔係一定會黐媽咪架咩??? 就算係工人, 都只係工人啫, 咁媽咪只係得一個, 點解會唔黐架, 同埋, 我更加唔明, 點解亞媽鐘意自己D仔女, 乜好誇張咩?! 我知道, 我鐘意滕滕嘅程度係200%, 因為我真係無時無刻都好想攬住佢, 又好想成日同佢一斉, 但係, 我好唔捨得佢, 乜唔係個個亞媽都係咁嘅咩???
講真, 佢而家細個咁黐我, 我想都想係咁啦, 到佢開始大個, 越嚟越獨立時, 到時我唔想有後悔嘅時候囉! 因為而家每一刻, 都係我同個仔所有珍貴嘅時刻嚟, 每一分每一秘, 我都希望第日可以要嚟懷念架! 所以而家唔嚟錫佢, 請問等幾時先???
2012年8月12日 星期日
其實真係好鐘意!
訂閱：
張貼留言 (Atom)
但都要有自己私人空間架喎
回覆刪除[版主回覆08/15/2012 14:15:38]無錯!!!
[林林回覆08/15/2012 14:11:39]補償
[版主回覆08/15/2012 13:03:34]我知! 所以去完街第二日都會早d番屋企 !
[林林回覆08/14/2012 12:52:33]你冷靜啲啦，你總唔可以為咗佢，連少少空間都唔比自己嘛
[版主回覆08/14/2012 12:15:53]我其實都有咁諗, 不過都仲有小小內疚.......
[林林回覆08/13/2012 17:35:21]就算一個星期一晚都唔過份架~
[版主回覆08/13/2012 17:33:49]我知道~ 而且仲係一晚之嘛~ 我已經盡量同自己講都係一晚啫~
[林林回覆08/13/2012 16:13:53]咁個一下轉變會好大架喎~~~
其實你都係出一日街之嘛，唔好咁啦
[版主回覆08/13/2012 16:05:20]到滕滕大時, 佢唔跟我地去街, 嗰時大把啦, 想要幾多就幾多喇!
小朋友痴唔痴自己, 視乎自己付出幾多時間同心機
回覆刪除[版主回覆08/15/2012 12:50:14]咁都要睇緣份, 因為有d同父母冇緣, 就算點對住都未必會黐得咁實~
唔好講騰騰咁得意. 又識講野.
回覆刪除我養狗. d狗唔識埋黎攬實我. 我都會心掛掛, 覺得出左街係內疚
(唔知點解, 養左hazel後, 哩個情況更明顯)
[版主回覆08/15/2012 12:51:17]因為我地真係好鐘意佢地囉, 鐘意到真係有d痴左線!
我同你一樣, 愛個仔係 200%
回覆刪除依家我個仔成日同我講 : "媽咪, 我好愛你呀~, 我真係好鐘意你 ga~" 真係命都比埋佢呀!!!
[版主回覆08/15/2012 16:55:30]如果可能係任職媽咪, 我諗出去一陣都唔會覺得好內疚囉, 因為平時都對都飽晒啦!
[村姑 C 9 仔 *.*回覆08/15/2012 14:53:32]我覺得我地咁諗係好正常同好應該。而且我地要返工既, 有幾多時間對住個仔 wor。只要我地愛個仔愛得開心就已經夠。
如果係全職媽咪, 得閒走去呌啖氣我都好讚成。
[版主回覆08/15/2012 14:11:27]咁都好D, 即係唔係只係我一個咁樣諗! 咁我個心就舒服D喇!
[村姑 C 9 仔 *.*回覆08/15/2012 13:16:01]我一樣有內疚感, 所以好少自己出去。可以一齊既就一齊。有時偷1-2個鐘去買野, 都一定會等爸爸 o係屋企先。
好似第一間做野既舊同事, 佢地 keep 住隔 2-3 個月食一次生日飯, 我好似生左以來, 去過1次咁大把。佢地依家都唔預我 lu。
[版主回覆08/15/2012 12:52:30]咁你同朋友出街時有冇我呢種內疚感? 定係你而家跟本就唔會出街? 又或者出襯都一定一斉?