期待已久嘅今日, 終於都嚟喇! 其實上個星期已經約過一次, 但係因為兩個小朋友都唔係好舒服,所以就delay到呢個星期日!
我都唔敢太早同滕滕講我約左佢同學仔今日去玩, 只係今日臨出門口執嘢時先話比佢知, 費事一場歡喜一場空啦!
呢兩條友仔好攪笑, 一叫佢地影番張相先, 佢地就埋位咁樣黐埋一斉喇! (睇番呢張相, 我發現原來佢地兩個影相個上唇都係咁, 唔怪得條友仔咁樣影相啦!)
去左公園玩左一陣, 就已經成身濕晒! 好彩太陽唔係好勁咋!
游水應該我估最少游左兩個鐘! 因為上水時, 我d皮都摷晒喇! 而佢地, 如果唔係因為開始凍, 一定要佢地上水去食嘢, 就真係打死都唔肯喇!
游完水, 好開心咁去食嘢, 係車到, 我就叫佢地一斉唱下歌仔喇! 不過同學仔倬僑話, 因為而家唔使番學, 所以唔知記唔記得點唱喎!
倬僑好好笑架, 講嘢好認真, 無論開心, 好開心, 唔開心, 佢媽咪話佢個tone都係一樣, 因為佢行行下, 無啦啦用個flat tone同滕滕講: 其實我都好卦住你架!
聽到真係笑死我!今日, 滕滕真係好開心, 真係開心都不得了, 番到屋企, 係地下上面卷來卷去, 佢話佢自己仲係到游緊水喎!
帶滕滕去同佢個好朋友玩, 睇見滕滕開心得咁緊要, 我個心, 都真係好開心!
佢地一見面係咪不停咀講嘢呀?
回覆刪除[版主回覆08/15/2012 12:55:39]咁佢地有交流架! 例如滕滕話要條毛巾(當時係游緊水),要嚟洗洗佢, 咁佢同學仔就攞左之後就話: 我幫你洗左喇, 你都洗下啦!
[林林回覆08/14/2012 12:48:58]所以佢地只有笑
[版主回覆08/14/2012 12:18:20]白紙一張, 見到你做乜時我又做乜~
[林林回覆08/13/2012 17:37:57]係喇，但佢地小朋友知道大家諗乜，可能，佢地嘅世界的白色紙只有直線，橫線，沒有曲線，斜線...
[版主回覆08/13/2012 17:31:13]有時自己老公都未必得啦~
[林林回覆08/13/2012 16:15:29]佢地心交得好緊要，如果有一個人可以明我心入面，唔洗下下講出口就好了
[版主回覆08/13/2012 16:04:08]咁又冇不停咀嘅, 只係兩個都好開心咁, 成日"卡卡"笑囉~ 郁d就"卡卡"笑架喇!
佢地笑起黎個樣都幾似.....孖公仔
回覆刪除[版主回覆08/17/2012 11:39:46]佢地之前番學時日日見, 所以好多動靜都好似!