就嚟放完暑假喇, 呢個長假期就快結束, 滕滕開心嘅暑假生活就嚟玩完喇!
今日老師打電話嚟話我仲未交滕滕D相番學校到, 又話我未交滕滕個英文名比佢! 收左線, 我都有D頂自己唔順, 明明自己成日都有記住呢兩樣嘢未做, 但係點解到今時今日都未攪掂, 仲要比老師打電話嚟追, 真係囉爆!
其實係因為我想問朋友借個閃光燈&引發器, 而朋友發現個引發器有問題, 所以想攞左去整先借比我, 但係因為要成星期尾先可以攞得番, 所以到而家我都仲未同滕滕影相囉!
唔等啦, 老師打嚟追喇, 所以今晚就粗粗地影左佢, 聽日就攞去晒喇!
真係影到反晒眼先影到呢張咋, 一路影就一路鬧隻豬仔, 唔好郁, 個頭直D, 個身唔好寒背, 雙眼唔好咁衰, 笑得好D~! 足足影左成廿幾三十張先得一張好!
舊年都一樣係我幫滕滕影學生相! 影完出嚟, 張8張GROUP埋一張去晒4R, 晒完出嚟, 真係好有滿足感, 因為個仔每樣嘢, 我可以做到, 嘅我都一定去做! 例如好似剪髮咁, 我相信係滕滕10歲前, 都應該係我全權包辦!
頭髮係你剪 ga?? 好靚 wor! 以為出街剪 tim!! 叻叻!!
回覆刪除[版主回覆08/17/2012 11:30:51]係呀, 一路都係我剪架! 不過有D位剪極都剪唔好, 我想如果遲D等滕滕大D, 我就想去進修下~
影得好靚喎~~~
回覆刪除[版主回覆08/17/2012 15:51:13]無辦法啦, 我想自己幫滕滕影嘛~
[林林回覆08/17/2012 12:28:19]我一定無咁好嘅毅力
[版主回覆08/17/2012 11:47:11]影左成廿幾三十張先得呢一張好咋(佢個衰樣)!
影得好好.
回覆刪除佢比人感覺係一個開心仔. 開朗嗰隻....
[版主回覆08/20/2012 15:34:17]但係個顏色調得唔好, 好似好舊咁!!!
影得好靚
回覆刪除[版主回覆08/21/2012 14:17:27]多謝! 其實只係一般咋.........