2012年8月16日 星期四
重感情~
係呢個暑假, 我幫佢參加左D course, 同佢講就話去一間新學校到玩! 成個暑假, 佢耐唔耐就問我, 點解唔番去之前間學校嘅?!
佢同我講, 佢好想番去之前間學校, 因為佢好卦住學校喎!
因為就嚟開學, 我想比定個心理準備滕滕, 所以呢個星期我都同滕滕講, 佢就嚟番新學校喇, 嗰到有新老師, 有新同學, 學校又有個公園可以比佢地玩! 去到呢個位, 滕滕次次都問我, 點解唔番之前間學校!
乜小朋友唔係善忙架咩??? 點解次次都問同一個問題架??? 都已經成兩個月冇番學啦, 佢都仲好記得舊學校! 我估, 佢番之前間學校, 真係好開心囉!
人地話, 咀唇厚就重感情, 而我, 重感情就唔使講啦, 而滕滕, 應該都同我差唔多囉~
訂閱：
張貼留言 (Atom)
依家唔同 ga la, 都不知幾好記性~
回覆刪除我個仔仲同我玩角色扮演, 扮佢舊學校既老師 & 同學。
[版主回覆08/21/2012 10:33:27]除左呢個藉口, 我都搵唔到其他理由喇~
[村姑 C 9 仔 *.*回覆08/21/2012 09:37:15]good idea wor!
[版主回覆08/20/2012 16:28:10]滕滕尋日都仲問緊我仲咩唔番之前間學校, 我而家唯有答佢之前間學校太舊要整, 整番新佢先可以開始再番咋~
[村姑 C 9 仔 *.*回覆08/20/2012 15:53:30]其實我都無唔敢同我個仔講轉校。因為之前去新學校報到時, 我地講佢知係新學校, 佢都喊話唔要。
依家唔再講, 只希望唔多覺唔多覺咁去一個新地方返學。
而且我 8月又報左個暑期班比佢, 朝朝返兩個鐘學 arts & 英文。等佢接受要去不同地方返學炸。
[版主回覆08/20/2012 15:38:18]真係好好記性囉~ 不過我嗰個都仲係放唔抵囉~!
佢真係好鍾意舊校喎
回覆刪除[林林回覆09/07/2012 14:11:13]又唔係叫你而家搬...
[版主回覆09/06/2012 17:10:36]但係咁~ 而家咁難得入到呢間學校, 係因為我鐘意佢多西人, 如果我又走, 咁係九龍就可能搵唔番喇.......
[林林回覆09/04/2012 17:09:37]咁你第一件事係要搬出黎九龍
[版主回覆09/03/2012 15:30:13]我知道屯門有幾間小學都幾好, 唔一定要出九龍讀, 不過唔知點解梗係想出去......
[林林回覆08/23/2012 17:07:35]最緊要入小學，佢有無關連嘅好小學
[版主回覆08/23/2012 14:46:32]新嘅呢間, 我鐘意佢就係因為佢真係有成十九幾個外籍老師架, 就算唔係個個有份教, 都睇得下嘛! 同埋, 我估個校長有D料到, 先至會有咁多外籍老師嚟教囉! 所以某方面, 呢間學校都一定會好過之前嗰間嘅!
[林林回覆08/23/2012 12:20:03]或者新嘅仲好呢,人總要向前望就有希望了
[版主回覆08/22/2012 23:01:36]唔好講佢, 其實我都好鐘意d老師, 因為d老師好細心同有愛心架!