就係喺06年, 我地識左7年嗰一年, 我同亞dee嘈左場大交, 亦都係人地所講, 識左7年就會係關建性嘅一年! 就係嘈左埸大交, 我走左去打耳骨(穿耳洞), 因為之前好想, 但係又怕痛, 所以嗰陣時心情實在太唔好, 好想搵嘢發洩下, 係紋身同打耳骨之間, 我就撰左打耳骨先, 諗住打完耳骨先再去紋身!
就係因為打耳骨, 所以先至有今日!!! 因為今一做左個手術, 不過只係個小手術! 打左耳骨之後, 唔知係唔係我隻耳仔唔受得定係太硬, 所以生左粒"色肉", 而呢粒"色肉", 隨住時間嘅過去, 佢一日一日咁大, 大到好似粒"色仔"咁大粒, 係人見到都會嘩一聲, 所以今日就去解決左佢!
好痛, 而家隻耳仔好痛, dr話d麻醉藥3/4個鐘就會冇晒, 真係, 真係, 而家真係痛到仆街!
亞dee仲同我講, 睇你以後仲打唔打, 攪到隻耳仔咁! 乜係我攪嘅咩? 如果唔係你攪到我咁唔開心, 我使乜搵嚟嘢攪呀! 點解女人係咁, 咁鐘意搵嘢折磨自己? 有幾痛佢又唔知, 有幾辛苦, 佢又feel 唔到! 不過, 我鐘意!
唔好再諗返之前啦~而家都做好手術~你就一於休息~
回覆刪除唔好唔開心~就算佢蝦你~你都仲有囝囝錫~我又錫~
[版主回覆11/14/2009 01:09:00]多謝你呀 !而家佢唔會再點蝦我喇(除左點我做嘢之外), 因為經過嗰次嘈大交之後, 大家都變左, 而佢對我仲好左, 所以如果唔係點會同佢生仔吖!
不過, 因為上次真係嘈到差d冇彎轉, 所以嗰場大交之後, 大家為大家改變, 如果唔係, 而家d感情又點會再更加穩固! 所以我都好開心, 因為佢仲係好愛我!
但係有時d嘢, 好難忘記!
咁就好啦~兩公婆最終都係要咁啫~~~~
回覆刪除喂~我夠愛你咯~你冷落我~~~
[版主回覆11/14/2009 11:52:00]你邊一方面覺得我冷落你先?! 我已經盡我所能去對你啦, 你仲想我點先, 妹妹都同你講埋囉 !!!
下次講妹妹果part可唔可以再詳細d啫~
回覆刪除[版主回覆11/14/2009 13:00:00], 有幾深入就幾深入....... ???!!!
係呀~~要好入果隻~愈深愈好~~~~
回覆刪除[版主回覆11/14/2009 13:14:00]4仔呀~~~~~~~~~~~
18 禁~~哈哈~你今日有咩做呀?
回覆刪除[版主回覆11/14/2009 13:26:00]可能可能可能一陣同老公去睇西裝, 因為要做兄弟!
係呀, 又要去買嘢喇~ 天呀! 唔知又要睇幾多次呀~ !!!!!
你同老公吵架去折磨自己呀,下次不要啦!如果是我一定是買衣服,還是拿他的卡去買東西呀!比他慢慢比錢!還有食餐好的!再不是就打他一鑊金的!
回覆刪除我都有成日同老公吵架的,不過都是因為些小事,但我們都不會記仇,有時好快就忘記了,有時吵架都是好的,起碼知道問題的所在!
你做的小手術現在好了沒有呀?無事吧!
[版主回覆11/15/2009 23:31:00]都唔係折磨自己嘅, 只不過想搵D嘢發洩下啫! 買衫? 我份人有時真係好理智(太理智), 我唔會去做一D嘢另到自己後悔, 因為係咁嘅環境下買衫, 可能有時買左之後, 連自己都著唔落手嘅, 就無謂啦!
小嘈就更係過一陣就冇嘢啦, 但係嗰次並唔係小抄呢!
多謝你關心呀, 而家隻耳仔仲有小小痛, 不過, 冇第一晚痛得咁交關喇! 而家我老公晚晚同我洗傷口, 佢第一次睇到都覺得好核突, 所以唔知佢有冇心痛呢?!
你唔開心鍾意玩自殘架?
回覆刪除[版主回覆11/16/2009 10:44:00]係發洩! 想舒發下啫!