祝你永遠幸福快樂!

今日餐夜奶, 又餵唔到滕滕喇, 好夜先番到嚟, 因為我識左廿幾年嘅小學同學結婚!!!

睇見佢可以同而家呢個女朋友拉埋, 真係十分之開心, 因為當佢冇固定女朋友嗰時, 真係好想佢搵番個認真嘅, 而家呢個都拍左咁多年, 終於都肯結婚, 你話幾好呢!

不過散席送客嗰時, 佢居然揇住我老公講多謝喎, 咁我就更係第一時間小佢啦: "有冇攪錯, 識左你咁多年, 有乜理由揇我老公先架, 係到揇我先啦!" 跟住佢就話: "係喇, 係喇, 而家揇你喇!!!"

相識廿幾年嘅友誼得來不易, 而且仲可以維持到而家, 所以我衷心祝福佢白頭到老, 永遠開開心心, 快快樂樂!!!