星期六去左市中心, 買左張軟墊比滕滕, 等佢可以多d地方扒下扒, 唔使成日就係張soft到, 只係"吉"下"吉"下個pat pat! 買左番去, 滕滕第一時間就望住張未拆開嘅軟墊, 望到眼都唔眨! 更係啦, 因為張嘢係亞POOH嚟, 鮮黃色嘛(表姑媽, 你唔好再講我地屋企只係得藍、白、灰, 而家有黃色喇!)!
一打開, 個工人姐姐就即刻話張墊: 好! 因為佢話滕滕好鐘意爪嘢, 已經爪到張sofa個扶手d皮起左d, 所以張墊爪起嚟有質感, 所以good!
我都知道呢個曵豬有個嗜好, 就係好鐘意爪到d 嘢"cuak cuak"聲, 尤其係食奶或者打橫咁抱佢, 佢後面嗰隻手都同佢老豆一樣, 一定要搵d嘢攪下先安落! 但係我冇諗過, 張sofa好似啱啱換左冇幾耐, 唔好咁快就要我報消啦!
軒豬! 你好學唔學! 你老豆隻手就成日係到打鼓, 瞓覺都要打住個枕頭、床褥, 而你呢, 一路食奶就好似隻貓仔咁係到爪嘢, 日又爪, 夜又爪!
有其父必有其子
回覆刪除[版主回覆11/10/2009 17:25:00]都唔知咩人嚟, 有d咁怪嘅嗜好!
可能買個貓爪板俾佢會啱d喎~ (講笑咋，唔好嬲)
回覆刪除咁佢有冇剪指甲呀?驚佢爪到自己塊面仔呀~
[版主回覆11/10/2009 23:36:00]佢嘅目標, 只係一d抓得出聲嘅嘢, 其他就唔會, 所以佢一家唔會攪自己塊面囉!
所以可能佢前世都可能真係一隻貓嚟 !!!