呢幾日暖番, 軒豬由一隻肥糉變番一隻瘦糭! 當係一隻肥糭嗰時, 佢連轉身扒轉到唔係好得, 見到佢係反同反唔到之間, 真係好好笑! 係張high chair到, 肥到跟本連食腳都唔得, 真係好鬼得意!
不過, 今日工人姐姐同我講, 呢個軒豬唔係好瞓晏覺喎! ...........唔係嘛, 你咁細個, 唔瞓晏覺, 做咩先?! 而家有得瞓, 你就好瞓下啦, 第時番學, 開始讀書, 你唔好唔願起身呀, 如果你好似你爸b咁, 懶床, 我就打你pat pat 架!
有時我係到諗, 係唔係夜晚10點食完奶就開始瞓會早左d呢? 第二朝6點9起身, 瞓左8個幾鐘鐘先再食早奶, 跟住又再瞓, 對一個bb嚟講, 都應該係咁吖, 咁點解你唔瞓晏覺呢? 就算瞓, 都只係一陣......真係一個迷..........
媽媽我都係想你陪我訓啫~~~~~
回覆刪除[版主回覆11/25/2009 16:21:00]你第日個囝出左世, 你到時就知道點解想佢瞓喇........ , 因為佢唔瞓, 你係做唔到嘢架, 同埋, 佢瞓多d, 對個腦都好d架!!!
我都好想每日可以瞓係張床到瞓晏覺呀，bb真係好
回覆刪除[版主回覆11/25/2009 16:19:00]係呀, 做bb真係好好, 又唔使番工, 又唔使番學, 冇嘢卦, 餓就食奶, 開心就笑, 唔開心就喊! 又唔使愁, 幾好呀~
咁佢而家應該一日訓幾多個鐘呀?
回覆刪除[版主回覆11/25/2009 22:51:00]都冇真正咁計過!
不過, 因為上個星期凍左, 佢食完早奶, 就瞓到九點幾先起身, 跟住就好似成12點幾1點先再瞓! 然後好似到4點幾先再瞓番, 瞓多1個鐘或者多少少, 六點就食粥仔, 跟住就一路唔瞓, 到我地番到屋企, 食完飯要同佢玩, 玩到成9點9或者10點先食埋夜奶! 之後就瞓到第二朝我起身, 佢就起身喇!
日日都係差唔多咁上下, 不過, 真係想佢瞓晏覺, 可以瞓耐D囉!
咁~~可以吃咩呀?本來想燒烤~不過我覺得咁大油煙都唔好~咁~~點算好呢?????????????
回覆刪除[版主回覆11/26/2009 12:56:00]叫餸食飯好似安全d!
噫~都好喎~~~咁一於就叫送吃飯~但係地點就~~~唔知~等我同大肚婆同熙熙媽講左先~
回覆刪除[版主回覆11/26/2009 14:54:00]好吖, 生左先嚟獲甘架啦 !
哈哈~到時我地幾隻ｂｂ勁喊～～～
回覆刪除[版主回覆11/26/2009 15:10:00](Empty)
小B媽, 好快你就會知...想瞓冇得瞓, 想食又冇得食...有幾咁痛苦喇!
回覆刪除[版主回覆11/26/2009 15:50:00]雖然係痛苦, 但係我好 enjoy喎!(真係有小小變態 )
你何止少少呀?
回覆刪除