今日真係堅忙, 老公番左工先至會咁忙, 因為我早中午開始, 已經安排左我嘅節目喇!
因為想去jusco買羊毛老底比滕滕, 同埋買三文魚煲粥仔, 所以約左表姐去飲茶, 飲完茶, 我地就向住jusco出發喇!
因為呢個幾兩個月都真係好唔得閑, 所以橫掂都去囉, 就幫表姐買左張sofa做分期! 因為做分期, 要去aeon個counter, 而aeon個counter 係對住梓祐老豆做嘢嗰到, 所以如果我地一行過去, 梓祐個老豆一定會見到我地. 不過, 我同表姐講, 唔使理佢, 唔通佢一世都係到, 我地一世都唔行過嚟咩, 理鬼佢啦! 果然不出我所料, 我地一行過去, 佢就望到我地喇! 我地大家好似陌路人咁, 招乎冇打, 乜嘢都冇做, 大家就好似從來冇識過咁.........
梓祐而家12歲, 我可以大膽講, 我表妹係梓祐兩歲幾離開到佢10歲, 我個個星期, 最少2/3日風雨不改, 過去同佢溫習, 做功課, 直至到佢可以自己handle大部份嘢之後, 我先放手比佢嗰個乞e, 佢老豆一句唔該、多謝都冇講過, 而家梓祐識得自己放學番嚟自動自覺做功課, 唔需要佢去卦心, 係邊個教佢, 係邊個解釋比佢知, 一個小朋友嘅責任係乜嘢, 邊個同佢講, 爸爸辛苦搵錢照顧屋企, 佢就要努力讀書呀! 呢d嘢, 全部都係我教佢架!!! 呢個男人, 為左一個咁嘅女人嚟同我反目! ..........不過, 唔緊要, 我信報應! 講起都真係把鬼火, 唔好再講佢!
係jusco行下行下, 買下買下, 都成4點先番番屋企, 好彩我有帶奶出嚟, 如果唔係滕滕就慘喇! 番到屋企, 整下一陣, 又要出去, 因為約左個朋友食飯, 又食放提, 正!
不過今次食得冇咁輕鬆, 因為我老公唔係到, 滕滕又唔肯瞓, 攪到我食下就停下, 食下停下!
食完都成9點幾, 番到嚟,又10點, 滕滕又要食奶喇! 好忙, 好忙!
下次咁忙~叫埋我去吖嘛~~~等我幫手照顧 (蝦) 滕滕啦~
回覆刪除[版主回覆11/25/2009 16:17:00]你咁大個肚, 最好唔好去d咁多人嘅地方呀, 仲有,而家咁多流感, 想c冇!!!
我而家行多陣都想搵地方訓低~條腰真係好好好好好累~~~~個胃又好好好好好熱~
回覆刪除[版主回覆11/25/2009 22:46:00]忍耐下! 因為陀BB要負出代價架! 鬼叫你想要BB咩!
咁~~~人地唔知陀 BB 係咁的感覺嘛~~
回覆刪除[版主回覆11/26/2009 09:29:00]咁你而家知啦, 如果唔係, 點解係好耐之前已經有呢句呢: 懷胎十月, 係好辛苦架!
我而家去到邊都帶定奶粉&凍水架!費事行到好高興又要趕返home餵奶喇, 而家都諗住買定個保溫壺, 到時可以帶埋粥粥出街, 就可以"爛"街"爛"成日都得喇!hoho....
回覆刪除[版主回覆11/26/2009 15:54:00]我都買左保暖壺出街用, 不過一個唔夠喎, 因為遲d要食粥仔, 又要帶多個係 for粥仔, 所以出親去, 都好似去旅行咁呀!!!
都幾好呀, 成日都有旅行去!
回覆刪除[版主回覆11/27/2009 14:21:00]去左幾次, 我怕你散喎 !
抖返兩日咪得囉, 冇得去旅行我怕你唔慣喎!
回覆刪除[版主回覆11/28/2009 01:22:00]耐唔耐去下,都係幾好玩架!