尋晚, 已經去過jusco睇過, 係睇個細喼, 因為我地個細喼個輪爆左, 所以一定要今個星期買番個, 比亞媽下個星期去旅行!
不過, 係jusco嗰d, 亞dee一個都唔鐘意!!! 佢話要去番三年前, 我地係老尖睇過嗰到!
三年前??? 係! 係三年前! 我一聽到佢話要去番老尖睇, 我就知道係喺三年前睇過嗰到!
真係痴線! 因為佢之前已經試過一済, 話要去番年半前去過到嗰間shop到, 買個背囊, 咁當然就一定買唔到啦, 年半前嗰, 間shop可能已經唔知轉左幾多手啦, 仲等緊你嚟買咩! 所以佢話要出老尖睇, 我第一句就已經問佢, 如果出到去, 好貴, 咁買唔買先?! 如果冇呢, 咁又點呀, 白行呀?! 不過, 我講咁多, 都知係冇咩用, 因為以佢份人, 唔睇過, 一定唔心息! 所以佢今日放左工, 就先出左去睇, 如果真係仲有, 而款得, 價錢又合理, 咁就等埋我放工, 等我決定去買!
果然不出我所料, 佢去到, 睇左之後就第一時間打比我, 同我講: "嘩, d 喼好唔得!", 跟住我就話喇: "唔得?! 唔係喎, 你又話一定好樣過jusco 嗰d嘅? 無奶由唔得架喎?!" 佢知我串佢, 所以佢就話佢而家去永安及及!
佢去到永安, 睇到每一個悄為ok嘅, 都打一次電話比我! 喂, 你玩嘢咩! 打視像嚟, 個背景又嘈到爆, 成公司係人都知佢打嚟(因為一定變左做hand free架嘛), 仲要係咁同我講佢聽唔到我講嘢! 佢把聲, 我成公司都聽到, 唯獨係佢聽唔到囉, 囉到爆!
撰嚟撰去, 佢鐘意嘅, 又冇細喼side可以hand carry 上機, 叫佢唔好要求咁高, 佢又話佢撰唔落手.....................當時, 真係想"中"佢兩嘢囉!
好喇, 結果, 撰左個, 係屋企附近 jusco都有得買嘅!!!! 咁出嚟佐敦把鬼咩 
有陣時同佢買嘢, 真係反九十幾次眼, 呢個款又話唔鐘意, 嗰個款又話唔得!!! 喼咋! 你估做人世咩
你老公係咩星座嫁~咁心大心細嫁??哈哈~算啦~佢行唔係你行~如果你抱住仔仔佢都仲要你咁行~我諗....你會 kill左佢～
回覆刪除[版主回覆11/12/2009 15:34:00]處女座! 如果下世都係做人, 記得唔好撰處女座嘅人做伴侶, 因為呢d人真係好Q好Q好Q煩架!
之前嗰日去 jusco咪就係抱住左個囝囉!!! 咁你話, 我真係幾想"中"佢呢!!!
佢份人冇得改架, 就算買嗰d嘢唔係比佢, 佢都係咁撰, 係咁撰架!
完美主義者係佢星座特質，所以嘢都要揀到最好最滿意嘅
回覆刪除佢揀咗你，你應該好開心，因為你係女人之中，最靚最好嗰個喇
當每一次佢揀嘢嘅時候，你就咁樣同自己講，你會開心啲，唔洗反眼啦
[版主回覆11/12/2009 16:54:00].......... BUT, 每當佢睇左某一樣嘢十九幾次都未下到決定嗰時, 我把火就開始起..........不過, 我唔會小佢, 因為我知佢係咁, 所以我會同佢分析: 呢個鐘意程度, 10之中有幾, 呢個呢, 又10之中有幾呢!.......跟住如果都仲未有結論, 就知佢唔係咁鐘意, 就同佢講: "咁得喇, 你即係唔係好鐘意, 咁唔好買住!" 跟住,我就會即刻行人!
你知嘛, 真係堅反眼架!
佢無要求?又點會揀到妳做老婆呢? 嘩哈哈哈.
回覆刪除[版主回覆11/12/2009 17:24:00]嘩! d要求唔使去到咁嘛, 都係一個喼啫!
如果俾著我~我會同佢講~得未呀?????是但啦~~~~~~好累呀~~~~~~
回覆刪除不過佢的答案都係~~~~~~看多陣先啦~
[版主回覆11/12/2009 17:31:00]我一定唔會問佢: 得未呀/是但啦/好攰呀! 因為就算你同佢講是但一樣, 佢都係冇答案比你! 同埋, 佢一定會答我: "我都唔知喎!"
男人=難忍?
回覆刪除[版主回覆11/12/2009 17:50:00]忍到! 除非唔再愛佢啦, 如果愛佢, 就要忍啦!
哈哈, 我個囡都係處女座...... 有d 驚~~ 哈哈
回覆刪除屯門果間 Jusco 最近都做 promotion for 買喼,
近Pokka Cafe果樹, 都幾平下~ 不過, 你地都買左lu~
[版主回覆11/13/2009 12:32:00]我老公好煩, 佢成日都覺得屯門d嘢, 一定冇九龍嗰d咁新款, 所以就算係3樓嗰到, 佢一個都睇唔上眼! 正一煩人!