係唔係玩嘢先?!
我今晚又瞓唔著喇~~~~~
因為尋晚個朋友打比我老公, 話我地之前自殺嗰個朋友, 出左院之後, 而家又嚟喇, 開始又擔心佢...........
仲有, 明天番工, 又要提老闆call個agent, 公司個相機, 又要叉電.............
仲有, 明天下午, 又要出一出去, 番去個靚仔dr覆診(雖然佢四十幾, 但係佢真係好靚仔, 溫柔, 又man), 睇下隻耳仔.............
同埋, 明早又要同個工人講, 要幫我老公燙d制服, 又要叫佢幫老公洗件外套, 因為食嘢整污糟左..............
而且, 明晚放工, 要去jusco買三文魚比滕滕煲粥仔, 順便食番碗龜寧膏..............
嘩! 點解我成日都有十九幾樣嘢要做架!!!
你失眠係因為記太多嘢呀?
回覆刪除[版主回覆11/16/2009 10:39:00]我都覺得係, 不過我control 唔到我個腦唔去諗呢d嘢 !
寫低咪唔洗記囉
回覆刪除[版主回覆11/16/2009 10:59:00]懶嘛, 唔想寫.......但係又走出嚟上網...........上完網.........都係瞓唔番
我成日都失眠架，一瞓低，個腦就係咁轉，係咁諗嘢
回覆刪除我諗嘅嘢，可以寫本小說呀
[版主回覆11/16/2009 11:07:00]你失眠, 第日可以早d瞓, 補番; 但係我而家就冇得補..............
無得補架，第二晚都仲係失眠架
回覆刪除[版主回覆11/16/2009 11:29:00], 唔係嘛! 咁有冇人問你: 仲乜諗嘢先?! 我就有喇 !!!
無人問我，亦無人理我，因為枕邊人已經熟睡了
回覆刪除[版主回覆11/16/2009 12:47:00]你唔好似有問我嗰個係我老公呀, 因為我隔離都有隻豬係到呀 !
咁多野要記~下次寫低就當放低~到第二日先再記返~咁樣會唔會好點呢?
回覆刪除[版主回覆11/16/2009 11:50:00]我之前都試過寫底, 不過寫完瞓番落床, 跟住又再諗起另外一樣, 再瞓番落床, 又有再另外一樣, 如事者起身, 瞓底, 起身, 瞓底成5、6次........我覺得好鬼煩 !
咁會好大壓力嫁喎~~~仲有冇第二 d 辦法幫到你呢?
回覆刪除[版主回覆11/17/2009 00:26:00]應該都冇咩方法, 因為係自己攞嚟賤!
我同妳一様. 但無妳咁誇張. well...我唸嗰d又無妳咁有建設性喎.
回覆刪除我好少唸有乜野未做. 多數會唸過去, 同埋幻想將來....嘻. 都係越唸個人越精神, 個個叫唔好唸就瞓到. 但好似control唔到咁既
[版主回覆11/17/2009 00:28:00]諗過去同將來咪仲有排諗?! 明天嗰D嘢都未諗掂!
你做乜攪到咁多壓力....唸少d 野:) 個人會輕鬆d
回覆刪除[版主回覆11/17/2009 17:11:00]d嘢一日未做, 都好難唔諗啦!